पुण्यातील राजगुरूनगर येथे १८ वर्षीय मुलीची गळफास घेऊन आत्महत्या

रात्रीच्या सुमारास अज्ञात कारणाने तृप्ती हिने बेडरुममध्ये ओढणीने गळफास घेऊन आत्महत्या केली

राजगुरुनगर : अठरा वर्षीय मुलीने ओढणीने गळफास घेऊन आत्महत्या केल्याची घटना दि. २३ रोजी राजगुरूनगर शहरात घडली आहे. तृप्ती सुनिल गाडगे (वय १८ रा. वाडारोड ता.खेड ) असे आत्महत्या केलेल्या मुलीचे नांव आहे. आत्महत्याचे कारण अस्पष्ट असुन या घटनेबाबत मुलीचे चुलते दत्तात्रय किसन गाडगे ( रा. मोशी. आरटीओ शेजारी अंबिका बिल्डिंग मोशी प्राधीकरण यांनी खेड पोलीस ठाण्यात फिर्याद दिली आहे.

याबाबत खेड पोलिसांनी दिलेल्या माहितीनुसार, तृप्तीचे वडील सुनिल तीची आई मनिषा यांच्यासह ( वाडारोड खेड ) येथे राहत होती. रात्रीच्या सुमारास अज्ञात कारणाने तृप्ती हिने बेडरुममध्ये ओढणीने गळफास घेऊन आत्महत्या केली. सकाळी आई वडील यांना मुलीने आत्महत्या केल्याचे कळून आले. उपचारासाठी शहरातील बांबळे हॉस्पिटल व तेथुन युनिकेअर हॉस्पिटल चाकण येथे तुप्तीला नेण्यात आले. मात्र डॉक्टरांनी मुत्यू झालेचे सांगितले. या घटनेने शहरात खळबळ उडाली आहे. पुढील तपास खेड पोलीस करित आहे.