हिंजवडी : वाहतूक नियमांचे उल्लंघन करणाऱ्या तसेच ठरावीक वेळेत नो एन्ट्री नियमांचे पालन न करणाऱ्या अवजड वाहनांवर वाहतूक पोलिसांनी धडक कारवाई सुरू केली आहे. शनिवारी (दि. ११) सकाळी सुमारे दहाच्या सुमारास वाकड वाहतूक विभागाने बेशिस्त अवजड वाहनांविरुद्ध मोहीम राबवली.
या कारवाईत ३० वाहनांवर गुन्हे दाखल केले असून, ७७ वाहनांवर दंडात्मक कारवाई केली आहे, अशी माहिती वाकड वाहतूक पोलिसांनी दिली. हिंजवडी आयटी पार्ककडे जाणाऱ्या प्रमुख मार्गावर सात ठिकाणी नो एन्ट्री नियमांची कडक अंमलबजावणी करण्यात आली. विशेषतः भूमकर चौक परिसरात अवजड वाहनांना प्रवेशबंदीमुळे रोखण्यात आले होते, त्यामुळे रस्त्याच्या एका बाजूला वाहनांच्या लांबलचक रांगा लागल्या होत्या.
दरम्यान, २ ऑगस्टच्या सुधारित आदेशानुसार आयटी परिसरातील वाहतूक कोंडीवर नियंत्रण आणण्यासाठी सकाळी ८ ते १२ आणि सायंकाळी ४ ते ९ या वेळेत अवजड वाहनांना प्रमुख मार्गांवर प्रवेशबंदी आहे. तरीदेखील काही वाहनचालकांकडून नियमांचे उल्लंघन सुरू असल्याने हिंजवडी आणि वाकड वाहतूक विभागांनी संयुक्तरीत्या ही मोहीम हाती घेतली.
Web Summary : Wakad traffic police cracked down on heavy vehicles violating 'No Entry' rules in Hinjawadi. 30 vehicles were booked, and 77 fined. The action aims to ease IT park traffic congestion during peak hours by enforcing entry restrictions.
Web Summary : वाकड यातायात पुलिस ने हिंजवडी में 'नो एंट्री' नियमों का उल्लंघन करने वाले भारी वाहनों पर कार्रवाई की। 30 वाहनों पर मामला दर्ज, 77 पर जुर्माना। पीक आवर्स के दौरान यातायात कम करने के लिए प्रवेश प्रतिबंध लागू।