भोसरी : चऱ्होली येथील भोसले वस्ती परिसरात बिबट्या दिसल्याने नागरिकांमध्ये भीतीचे वातावरण निर्माण झाले आहे. बुधवारी रात्री घडलेल्या या प्रकाराची माहिती गुरुवारी सकाळी उघडकीस आली. अमोल कुंडले यांच्या घराजवळील शेतात एका कुत्र्याचा अर्धवट अवस्थेतील देह पाहून बिबट्याच्या उपस्थितीची पुष्टी झाली.
स्थानिक नागरिक सकाळी शेताकडे गेल्यावर कुत्र्यावर झालेल्या हल्ल्याचे स्पष्ट चिन्हे दिसून आली. आसपासच्या मातीवर बिबट्याच्या पायांचे ठसेही आढळले आहेत. रात्री उशिरापर्यंत परिसरात हा जंगली प्राणी फिरत असल्याची दाट शक्यता असल्याने ग्रामस्थांमध्ये भीतीचे सावट पसरले आहे.
घटनेची माहिती मिळताच वनविभागाच्या पथकाने तातडीने घटनास्थळी धाव घेतली. बिबट्याच्या हालचालींवर लक्ष ठेवण्यासाठी शेत परिसरात, तसेच पाण्याच्या साठ्याजवळ अनेक ठिकाणी ट्रॅप कॅमेरे बसविण्यात आले आहेत. प्राण्याचा मागोवा घेण्यासाठी वनरक्षक आणि अधिकारी सतत गस्त घालत आहेत.
नागरिकांना सतर्कतेचे आवाहन
वनविभागाने नागरिकांना रात्रीच्या वेळी एकटे बाहेर न पडण्याचे, लहान मुले व पाळीव प्राण्यांची विशेष काळजी घेण्याचे आवाहन केले आहे. शेतात जाणाऱ्या शेतकऱ्यांनी गटानेच जाणे योग्य असल्याचे सांगण्यात आले आहे. दरम्यान, नागरिकांनी बिबट्याच्या हालचालींबाबत सतत वनविभागाशी संपर्कात राहण्याची विनंती केली आहे.
आमच्या भोसले वस्तीच्या बाजूला बाजरी आणि उसाची शेती असल्याने बिबट्याला दबा धरण्यासाठी जागा आहे. त्यामुळे भोसले वस्ती व आजूबाजूच्या परिसरात भीतीचे वातावरण आहे. - विक्रम भोसले, भोसले वस्ती, रहिवासी.
Web Summary : A leopard entered Bhosale Wasti in Charholi, killing a dog and sparking fear among residents. Forest officials are monitoring the area, setting up cameras, and urging caution, especially at night. Villagers are advised to stay in groups.
Web Summary : चरहोली के भोसले वस्ती में एक तेंदुआ घुस गया, जिससे निवासियों में डर फैल गया। वन विभाग इलाके की निगरानी कर रहा है, कैमरे लगा रहा है और रात में सावधानी बरतने की सलाह दे रहा है। ग्रामीणों को समूह में रहने की सलाह दी गई है।