पिंपरी : ट्रान्सपोर्ट ऑफिसमध्ये गाडी भाड्याचे पैसे मागण्यासाठी गेलेल्या चालकावर टोळक्याने जीवघेणा हल्ला केला. ही घटना मंगळवारी (दि.२७) चिंबळी फाटा येथील न्यू साउथ कार्गो मुव्हर्स ट्रान्सपोर्टच्या ऑफिसमध्ये घडली.
आनंद दिलीप कारंडे (वय ४२, कारंडेवाडी, माण, सातारा) यांनी याप्रकरणी आळंदी पोलिस ठाण्यात फिर्याद दिली आहे. त्यानुसार जावेद महमंद शेख (४०, काळेवाडी), शोएब खलील मोमीन (४०, फुलेनगर वाई, सातारा), राजकुमार रामचंद्र भोसले (२५, सांगोला, सोलापूर) आणि सुनील सखाराम राठोड (२२, जिंतूर, परभणी) यांना अटक करण्यात आली आहे.
कारंडे संशयित जावेदकडे भाड्याचे पैसे मागण्यासाठी गेले होते. त्यावेळी जावेदने शिवीगाळ करीत इतर संशयितांना तिथे बोलावून घेतले. एकाने फिर्यादीच्या डोक्यात छोटा गॅस सिलिंडर मारला, तर दुसऱ्याने डोक्यात फरशी मारून गंभीर जखमी केले. सिलिंडर हवेत उंचावून संशयिताने आरडाओरडा केल्याने परिसरातील लोक भीतीपोटी पळून गेले आणि दुकाने बंद करून घेतली. फिर्यादीला जिवे मारण्याच्या उद्देशाने हा हल्ला करण्यात आला होता. आळंदी पोलिस तपास करीत आहेत
Web Summary : A driver was critically injured in Pimpri after demanding his fare. A group attacked him at a transport office, using a gas cylinder and tile. Police arrested four suspects involved in the assault and are investigating the case.
Web Summary : पिंपरी में किराया मांगने पर एक ड्राइवर गंभीर रूप से घायल हो गया। एक समूह ने ट्रांसपोर्ट ऑफिस में गैस सिलेंडर और टाइल से उस पर हमला किया। पुलिस ने हमले में शामिल चार संदिग्धों को गिरफ्तार किया और मामले की जांच कर रही है।