पिंपरी चिंचवड: पिंपरी-चिंचवड शहराची जीवनदायिनी असणारे मावळ तालुक्यातील पवना धरण महिनाभरात शंभर टक्के भरले असून, उद्योगनगरीची पिण्याच्या पाण्याची चिंता मिटली आहे. शनिवारी (दि.११आॅगस्ट) सकाळी दहाच्या वाजण्याच्या सुमारास पवनाधरणाचे चार दरवाजे उघडून १५०० क्युसेसने पाण्याचा विसर्ग नदीपात्रात सुरु केला आहे. यावर्षी मावळातील सर्वच धरणे भरली आहेत. मात्र, पवना धरण भरले असतानाही शहरातील कमी दाबाने पाणीपुरवठा होण्याचा प्रश्न कायमच आहे. धरणाच्या सांडव्यातून पाणी सोडण्यास सुरुवात झाली आहे. मुळशी, खेड आणि मावळ परिसरात यंदा पावसाचा जोर कायम आहे. मॉन्सूनचे जोरदार आगमन झाले. जूनच्या सुरुवातीस पंधरा दिवस पावसाने दडी मारली होती. मात्र, सात जुलैपासून पावसाचा जोर वाढला आहे. गेल्या चोवीस तासांत पवना धरण परिसरात तीन मि़मी़ पाऊस पडला आहे. तर एक जूनपासून २२२० मि़मी़ पाऊस पडला आहे. पावसाचा जोर कायम राहिल्याने भुशी, वडिवळे, कासारसाई, भामा आसखेड ही धरणे फुल झाली आहेत. लोणावळ्यात जुलै महिन्यात जोरदार पाऊस पडला. अवघ्या पंधरा दिवसांत पावसाने मागील वर्षीची सरासरी गाठली आहे. पवना धरणातील पाणीसाठा नव्वद टक्क्यांच्यापुढे गेल्याने सांडव्यातून पाणी सोडण्यास सुरुवात झाली आहे. गेल्या काही दिवसांपासून पावसाचा जोर कमी झाला आहे. धरणातील पाण्याची पातळी ही केवळ वीस दिवसांत वाढली आहे. गेल्या दहा वर्षांत सर्वाधिक पाऊस वीस दिवसांत पडल्याची नोंद जलसंपदा विभागाकडे झाली आहे. सात जुलैला ३० टक्के असणारे धरणे शंभर टक्क्यांवर पोहोचले आहे. वीस दिवसांत ७० टक्के पाणीसाठा वाढला आहे. २० जुलैपासून पावसाचा जोर कमी झाला आहे. मात्र धरण परिसरात जोर कायम असल्याने धरणाच्या पातळीत वाढ झाली आहे. पिंपरी-चिंचवड व मावळ तालुक्याला पाणीपुरवठा करणारे पवना धरण १००% भरले आहे. त्यामुळे दोन दरवाजे अर्ध्या फुटाने उघडून ८०० क्युसेसने पाण्याचा विसर्ग पवना नदी पात्रात शुक्रवारी दुपारी १ वाजल्यापासून सुरू केला आहे. पवना धरण १००% भरल्याने मावळ परिसरातील शेतकऱ्यांसह पिंपरी-चिंचवड शहराला मोठा दिलासा मिळाला आहे. गेल्या वर्षी आज अखेर पवना धरण ९८% भरले होते.
....................धरणातून विसर्ग सुरूपिंपरी- चिंचवड शहराला पाणी पुरवठा करणाऱ्या पवनाधरणाचे शनिवारी (दि.११आॅगस्ट) सकाळी दहाच्या वाजण्याच्या सुमारास चार दरवाजा उघडून १५००क्युसेसने पाण्याचा विसर्ग नदीपात्रात सुरु केला आहे. तर शुक्रवारी दुपारी एकच्या सुमारास ८०० क्युसेसने पाणी सोडण्यात आले होते. पंरतु ,परिसरात रात्रभर पावसाची रिमझिम सुरुच राहिल्याने शनिवारी सकाळी पुन्हा पाण्याचा विसर्ग वाढविण्यात आल्याची माहिती पवना पाटबंधारे विभागाचे शाखा अभियता ए.एम.गदवाल यांनी दिली.