Google वर पाकिस्तानात या वर्षात 'हे' सर्वात जास्त केलं गेलं सर्च; वाचून तुम्हालाही हसू येईल

गुगल नेहमी वर्षाच्या शेवटी सर्वात जास्तवेळा सर्च केलेल्या गोष्टींची यादी बनवून प्रसिद्ध करत असते. यावर्षीची यादीही गुगलने शेअर केली आहे.

Google प्रत्येक वर्षी सर्वात जास्त वेळा सर्च केलेल्या गोष्टींची यादी प्रसिद्ध करत असते. गुगलने नुकतेच पाकिस्तानमध्ये सर्वात जास्त सर्च करण्यात आलेल्या गोष्टींची यादी प्रसिद्ध केली आहे.

How to check polling station : पाकिस्तानमधील निवडणुकीदरम्यान हा प्रश्न सर्वाधिक सर्च करण्यात आला. पाकिस्तानमध्येही निवडणुकीवरुन लोक जागरुक आहेत. लोकांनी मतदान केंद्राची माहिती गुगलवरुन घेतली आहे.

How to make millions before grandma dies : या प्रश्नाची इंटरनेटवर बरीच चर्चा झाली. हा प्रश्न केवळ मनोरंजकच नाही तर तो शोधणाऱ्या लोकांचा हेतू काय होता याचा विचार करायला भाग पाडतो.

How to buy a used car : अनेकांना जुनी कार खरेदी करायची असते. वापरलेल्या कार खरेदीची क्रेझ पाकिस्तानमध्ये यावर्षी वाढली आहे. हा प्रश्न सर्च करुन लोक स्वस्त आणि चांगल्या दर्जाच्या गाड्या खरेदी करण्याबाबत माहिती गोळा करत होते.

How to make flowers last longer : फुलांना दीर्घकाळ ताजे ठेवण्यासाठी नवीन पद्धत जाणून घेण्यासाठी अनेकांनी सर्च केले आहे. यावरून पाकिस्तानमधील लोक सजावट आणि नैसर्गिक सौंदर्याबाबत जागरूक होत असल्याचे दिसून येते.

How to download YouTube videos in PC : सध्या व्हिडीओ कंटेन्टचे प्रमाण मोठ्या प्रमाणात वाढले आहे. ऑनलाइन व्हिडीओ डाउनलोड करणे ही आजकाल एक सामान्य गरज बनली आहे.

How to earn without investment : पाकिस्तानमध्ये गुंतवणुकीशिवाय पैसे कमवण्याचे अनेक मार्ग सर्च केले आहेत.

How to teach my four year old to share : मुलांसोबत काही गोष्टी शेअर करणे एक मोठं चॅलेंज असते. यामुळे अनेकांनी या गोष्टी सर्च केल्या आहेत.

How to get a grass stain out of jeans : पॅन्टवरती लागलेले डाग काढण्यासाठी काय करावे, असे प्रश्नही लोकांनी सर्च केले आहेत.

How to start working out again after knee injury : गुडघ्याला दुखापत झाल्यानंतर व्यायाम कसा सुरू करायचा हा प्रश्न आरोग्याविषयीची वाढती जागरूकता दर्शवतो.

How to watch world cup live : अनेकांना क्रिकेटचे सामने आणि फुटबॉलचे सामने लाईव्ह पाहायचे असतात. यासाठी गुगलवरती सर्च केले जातात.