Deepti Sharma Creates History Becomes 1st Indian To ... आयसीसीच्या टी-२० क्रमवारीत अव्वलस्थानी असलेल्या दीप्ती शर्मानं श्रीलंकेविरुद्धच्या तिसऱ्या टी-२० सामन्यात एका डावात अनेक विक्रमाला गवसणी घातली आहे. तिरुवनंतपुरमच्या मैदानात खेळवण्यात आलेल्या सामन्यात दोन विकेट्स घेताच तिने आंतरराष्ट्रीय टी-२० सामन्यात १५० विकेट्सचा टप्पा पार केला. छोट्या फॉरमॅटमध्ये हा पल्ला गाठणारी ती भारताची पहिला आणि महिला क्रिकेट जगतातील ऑस्ट्रेलियन मेगन शुट हिच्यानंतरची दुसरी गोलंदाज ठरली.
'लोकमत'चं WhatsApp चॅनल फॉलो करा!
आंतरराष्ट्रीय टी-२० क्रिकेटमध्ये सर्वाधिक विकेट्सचा डावही साधला
श्रीलंकेविरुद्धच्या तिसऱ्या टी-२० सामन्यात तिसरी विकेट घेताच तिने ऑस्ट्रेलियन मेगन शुट (Megan Schutt) च्या वर्ल्ड रेकॉर्डचीही बरोबरी साधली आंतरराष्ट्रीय टी-२० क्रिकेटमध्ये सर्वाधिक विकेट्स घेणाऱ्या महिला गोलंदाजांच्या यादीत या दोघी आता प्रत्येकी १५१-१५१ विकेट्स घेत संयुक्तरित्या अव्वलस्थानी आहेत. श्रीलंकेविरुद्धच्या उर्वरित दोन सामन्यात दीप्ती तिला ओव्हरटेक करत आणखी एक नवा विक्रम प्रस्थापित करेल.
महिला आंतरराष्ट्रीय टी-२० क्रिकेटमध्ये सर्वाधिक विकेट्स घेणाऱ्या बॉलर्सची यादी
| खेळाडू | कारकीर्द (वर्षे) | सामने | विकेट्स | सर्वोत्तम गोलंदाजी | सरासरी | इकॉनॉमी | स्ट्राईक रेट |
|---|
| मेगन शट (ऑस्ट्रेलिया) | २०१३–२०२५ | १२२ | १५१ | ५/१५ | १७.७० | ६.४० | १६.५७ |
| दीप्ती शर्मा (भारत) | २०१६–२०२५ | १२८ | १५१ | ४/१० | १८.८४ | ६.१० | १८.५९ |
| हेन्रियेट इशिम्वे (रवांडा) | २०१९–२०२५ | १११ | १४४ | ५/६ | १०.३३ | ४.३१ | १४.३६ |
| निदा दार (पाकिस्तान) | २०१०–२०२४ | १५२ | १४४ | ५/२१ | २०.२० | ५.७० | २१.२६ |
| सोफी एक्लेस्टोन (इंग्लंड) | २०१६–२०२५ | १०० | १४२ | ४/१८ | १५.७३ | ५.९६ | १५.८१ |
असा पराक्रम करणारी एकमेव खेळाडू
दीप्ती शर्मा महिला T20I क्रिकेटमध्ये १००० धावा आणि १५० विकेट्स घेणारी पहिली महिला खेळाडू आहे. एवढेच नाही तर आंतरराष्ट्रीय टी-२० आणि वनडे या दोन्ही फॉरमॅटमध्ये १५० विकेट्स घेणारी देखील ती एकमेव खेळाडू आहे.
