अलर्ट मोड ऑन! फेस्टिव्ह सेलच्या स्वस्ताईला भुलू नका; एक चूक अन् गमवाल आयुष्यभराची कमाई

बऱ्याचदा लोक नीट चेक न करता घाईघाईने कोणत्याही साइटवरून खरेदी करतात आणि त्यांना मोठं नुकसान सहन करावं लागतं.

फेस्टिव्ह सीझन येताच बाजारात आणि ऑनलाईन प्लॅटफॉर्मवर जबरदस्त ऑफर्स आणि डिस्काऊंटचा पूर येतो. लोक खरेदी करण्यासाठी खूप उत्सुक असतात, परंतु हा उत्साह कधीकधी घातक ठरू शकतो.

या काळात सायबर गुन्हेगार सक्रिय होतात आणि बनावट वेबसाइट्स, बनावट लिंक्स आणि आकर्षक सवलतींद्वारे ग्राहकांना फसवू लागतात. बऱ्याचदा लोक नीट चेक न करता घाईघाईने कोणत्याही साइटवरून खरेदी करतात आणि त्यांना मोठं नुकसान सहन करावं लागतं.

खऱ्या वेबसाईट्ससारख्या दिसणाऱ्या बनावट साइट्स लोकांकडून पैसे उकळण्याचा सर्वात सोपा मार्ग बनल्या आहेत. अशा परिस्थितीत खरेदी करण्यापूर्वी तुम्ही योग्य वेबसाईट किंवा अधिकृत एपवर खरेदी करत आहात याची खात्री करणं खूप महत्त्वाचं आहे.

बऱ्याचदा स्कॅमर ग्राहकांना अतिशय आकर्षक ऑफर दाखवून अडकवतात. जसं की ते महागडे स्मार्टफोन किंवा गॅझेट खूप कमी किमतीत विकण्याचं आमिष दाखवतात.

प्रत्यक्षात अशी उत्पादनं एकतर बनावट असतात किंवा अजिबात वितरित केली जात नाहीत. म्हणून त्यांच्यावर विश्वास ठेवण्यापूर्वी नेहमीच डीलचा सोर्स तपासा आणि फक्त विश्वसनीय प्लॅटफॉर्मवरून खरेदी करा.

खरेदी करताना पेमेंट पद्धतीबद्दल काळजी घेणं देखील महत्त्वाचं आहे. कोणत्याही संशयास्पद लिंक किंवा अज्ञात वॉलेटवर पैसे पाठवणे धोकादायक असू शकते. UPI, क्रेडिट/डेबिट कार्ड किंवा कॅश ऑन डिलिव्हरीसारखे सुरक्षित पर्याय वापरणं चांगलं आहे.

उत्पादन खरेदी करण्यापूर्वी त्याचा रिव्ह्यू आणि रेटिंग वाचणं देखील महत्त्वाचं आहे जेणेकरून बनावट गोष्टींपासून वाचता येतं. सर्वात महत्त्वाची गोष्ट म्हणजे कधीही तुमचे बँक तपशील, OTP किंवा वैयक्तिक माहिती कोणाशीही शेअर करू नका.

खऱ्या कंपन्या अशी माहिती विचारत नाहीत. थोडीशी काळजी घेतल्यास सणासुदीच्या ऑफर्स दरम्यान ऑनलाईन फसवणुकीपासून वाचता येतं आणि खरेदीची मजा दुप्पट होते.

अशा परिस्थितीत सणासुदीच्या काळात ऑनलाईन खरेदी खूप विचारपूर्वक केली पाहिजे. कारण तुमची एक चूक तुमची आयुष्यभराची कमाई वाया घालवू शकते.

तुमची पर्सनल माहिती स्कॅमर्सपर्यंत पोहोचू शकते, ज्यामुळे नंतर तुमची मोठी फसवणूक होऊ शकते. म्हणूनच ऑनलाईन खरेदी करताना सर्वकाही पूर्णपणे तपासल्यानंतरच ऑर्डर करा.