शरीरात प्रोटीनची कमतरता सांगणारी ८ लक्षणं; मसल्स कमकुवत होण्याआधी प्रोटीन फूड खा

8 Symptoms That Indicate Protein Deficiency in The Body : आपली रोगप्रतिकारकशक्ती यंत्रणा मजबूत ठेवण्यासाठी एंटीबॉडीची गरज असतेच ज्या प्रोटीनपासून तयार होतात.

शरीरात प्रथिनांची कमतरता असल्यास शरीर आपल्याला काही विशिष्ट संकेत देऊ लागते. प्रोटीन हे आपल्या शरीराचा बिल्डींग ब्लॉक आहे. (8 Symptoms That Indicate Protein Deficiency in The Body)

सतत भूक लागणं

प्रोटीनमुळे पोट भरल्यासारखं वाटतं. जर आहारात प्रोटीन कमी असेल तर तुम्हाला वारंवार भूक लागते. (8 Signs You Are Not Get enough protein)

स्नायू कमकुवत होतात

शरीराला पुरेसं प्रोटीन मिळालं नाही तर शरीर हाडांमधून आणि स्नायूंमधून प्रोटीन घेऊ लागते. यामुळे स्नायू कमी होतात आणि सांध्यांमध्ये अशक्तपणा जाणवतो.

त्वचा केसांच्या समस्या

आपले केस, त्वचा आणि नखं प्रामुख्यानं प्रोटीननं तयार झालेली असता. प्रोटीनच्या कमतरतेमुळे केस गळणं, नखं ठिसूळ होणं, त्वचा कोरडी पडणं अशी लक्षणं दिसून येतात.

थकवा

दिवसभर काम करण्यासाठी लागणारी ऊर्जा आणि रक्तातील हिमोग्लोबिन टिकवून ठेवण्यासाठी प्रोटीनची आवश्यकता असते. त्याच्या अभावामुळे थोडं काम केल्यावरही थकवा येतो.

जखम भरायला वेळ लागतो

शरीरातील उतींची दुरूस्ती करण्यासाठी प्रोटीनची गरज असते जर तुम्हाला लागलेली जखम भरण्यास नेहमीपेक्षा जास्त वेळ लागत असेल तर प्रोटीनची कमतरता असू शकते.

रोगप्रतिकारकशक्ती कमी

आपली रोगप्रतिकारकशक्ती यंत्रणा मजबूत ठेवण्यासाठी एंटीबॉडीची गरज असतेच ज्या प्रोटीनपासून तयार होतात. प्रोटीन कमी असल्यास तुम्ही आजारी पडू शकता.

हातापायांना सूज

रक्तातील अल्ब्युमिन नावाच्या प्रोटीनच्या कमतरतेमुळे शरीरातील पेशींमध्ये पाणी साचू लागते. यामुळे प्रामुख्यानं पायांवर, घोट्यांवर आणि हातांवर सूज येते.

एकाग्रता कमी होणे

मेंदूतील न्युरोट्रान्समिटर्सच्या कार्यासाठी प्रोटीन्स आवश्यक असते. त्याच्या कमतरतेमुळे चिडचिड होते, कामात लक्ष न लागणं किंवा मानसिक थकवा जाणवू शकतो.