Pune heavy rain : शहरात अवकाळी पावसाचे तांडव; पुणेकरांचे जनजीवन विस्कळीत

1 / 6

पुण्यात दुपारनंतर धुव्वादार पावसाला सुरुवात झाली आहे. शहरातील रस्त्यांना अक्षरशः नद्यांचे स्वरूप आले आहे.

2 / 6

अनेक भागात रस्त्यावरून वाहने पाण्यात वाहून गेल्याच्या घटनाही समोर आल्या आहेत. रस्त्यांवर फांद्या कोसळू लागल्या आहेत. ऐन उन्हाळ्यात झालेल्या पावसाने पुणेकरांचे जनजीवन विस्कळीत झाले आहे.

3 / 6

पुण्यातील सिंहगड रस्ता, धनकवडी, कात्रज, हडपसर, लोहगाव, खराडी, पिंपरी चिंचवड, औंध, बाणेर, बालेवाडी भागांत गारांसह जोरदार पाऊस पडत आहे. मुसळधार पावसामुळे पुणेकरांची चांगलीच धांदल उडाल्याचे चित्र दिसू लागले आहे.

4 / 6

अनेकांनी पावसात भिजण्यापेक्षा रस्त्याच्या कडेला आडोशामध्ये थांबणे पसंत केले. ढगांच्या गडगडाटासोबत विजेच्या कडकडाट ऐकू येत आहे. सर्वत्र पावसाने धुमाकूळ घातला आहे. रस्त्यांवरून नद्या वाहू लागल्याने रस्ते मोकळे दिसू लागले आहेत. 

5 / 6

शहरात सोमवारपासून गारांसह मुसळधार पाऊस पडत आहे. दररोज दुपारपर्यंत वातावरण गरम असते. त्यानंतर पावसाला सुरुवात होते. अशा वातावरणामुळे पावसाळा सुरु झाल्यासारखे पुणेकरांना वाटू लागले आहे.

6 / 6

शेतकऱ्यांच्या डोळ्यांत अश्रू शिवारात उभे असलेले हिरवेगार पीक क्षणांत सपाट झाल्याचे चित्र पाहून अनेक शेतकऱ्यांच्या डोळ्यांत अश्रू दाटून आले.वर्षभराच्या कष्टाचे स्वप्न डोळ्यांसमोर उद्ध्वस्त होताना पाहून शेतकरी भावुक झाले.