दहशतवादी आणि जवानांमध्ये चकमक; ट्रकमधून झाला गोळीबार, 'असा' घडला थरारक प्रसंग

शुक्रवारी जम्मू-श्रीनगर राष्ट्रीय महामार्गावरील टोल प्लाझावर चार दहशतवाद्यांनी सुरक्षा दलावर हल्ला केला. या काळात सुरू झालेल्या चकमकीत तीन दहशतवादी ठार झाले आहेत. या गोळीबारात एक पोलिसही जखमी झाला. ज्यांचा उपचार चालू आहे. जम्मू काश्मीर पोलिसांचे डीजीपी म्हणाले की या चकमकीत तीन जैश दहशतवादी ठार झाले आहेत. ज्यांच्याकडून सहा शस्त्रे जप्त केली आहेत.

जम्मू-काश्मीरमधील नगरोटा भागातील टोल प्लाझा येथे पहाटे साडेपाचच्या सुमारास एक ट्रक उभा होता. यावेळी वाहनांची तपासणी केली जात होती. ट्रक जेव्हा तपासणीच्या ठिकाणी पोहोचला तेव्हा सुरक्षा कर्मचाऱ्यांना ट्रकचालकांच्या हालचाली संशयास्पद वाटल्या. जवान ट्रक चालकाजवळ येताच त्याने ट्रकची खिडकी बंद केली. जवानांनी चालकाला खिडकी उघडण्यास सांगितले. दरम्यान, दहशतवाद्यांनी ट्रकच्या आतून गोळीबार सुरू केला.

ट्रक चालक घटनास्थळावरून फरार झाला. ट्रकजवळ सुरक्षा रक्षकाच्या हातावर गोळी चालली. त्याचवेळी दहशतवादी ट्रकमधून खाली उतरले आणि जंगलाकडे धावले. घाईघाईने सैनिकांनी अधिकाऱ्यांना माहिती दिली अन् दहशतवाद्यांचा पाठलाग सुरू केला. जखमी सुरक्षा कर्मचार्‍यांना जम्मू मेडिकल कॉलेजमध्ये उपचारासाठी दाखल करण्यात आले आहे.

जंगलाच्या दिशेने पळून गेलेल्या दहशतवाद्यांचा शोध घेण्याची मोहीम सुरु झाली. परिसर घेरला गेला. जवानांचा वेढा लागलेला पाहून दहशतवाद्यांनी सुरक्षा दलावर अंदाधुंद गोळीबार सुरू केला. या चकमकी दरम्यान सुरक्षा दलाने तीन अतिरेकी ठार मारले. चौथ्या दहशतवाद्याचा शोध सुरू आहे.

दहशतवाद्यांकडून अमेरिकन कॉल्ट एम -4 कार्बाईन, दोन एएन -74 एस, वायर-कटर तसेच एक रेडिओ सेट ज्यातून दहशतवाद्यांना सीमा ओलांडण्याच्या सूचना मिळत होत्या. दहशतवाद्यांकडून पाकिस्तान निर्मित औषधे आणि चॉकलेटही जप्त करण्यात आल्या आहेत. सूत्रांच्या माहितीनुसार, अधिकारी आणि सुरक्षा संस्था या हल्ल्याशी संबंधित प्रत्येक मुद्द्यावर बारकाईने चौकशी करत आहेत.

हे दहशतवादी ट्रकमध्ये कोठे बसले याचीही माहिती मिळविली जात आहे. या हल्ल्यानंतर जम्मू काश्मीरमध्ये पोलीस सतर्क झाले आहेत.