Bharat Bandh: आंदोलनाला हिंसक वळण, नऊ जणांचा मृत्यू

1 / 7

नवी दिल्ली : अनुसूचित जाती, अनुसूचित जमाती प्रतिबंधक कायद्याबाबत (अॅट्रॉसिटी अॅक्ट) सर्वोच्च न्यायालयाने दिलेल्या निर्णयाविरोधात दलित-आदिवासी संघटनांनी सोमवारी (दि.2) पुकारलेल्या 'भारत बंद'ला अनेक ठिकाणी हिंसक वळण लागले.

2 / 7

मध्य प्रदेश, पंजाब या राज्यांसह इतर राज्यात या आंदोलनाला हिंसक वळण लागले.

3 / 7

यावेळी आंदोलकांनी ठिकठिकाणी रास्तारोको, रेल्वेरोको केला. तर, काही ठिकाणी जाळपोळीच्या घटना घडल्या.

4 / 7

भारत बंद दरम्यान उसळलेल्या हिंसाचारात आतापर्यंत देशभरात नऊ जणांचा मृत्यू झाला आहे. यामध्ये मध्य प्रदेशातील सहाजणांचा तर यूपीतील दोघांचा आणि राजस्थानमधील एकाचा समावेश आहे.

5 / 7

सोमवारी सकाळपासूनच देशभरातील अनेक राज्यात भारत बंदचे हिंसक पडसाद उमटले. जास्तकरुन उत्तर प्रदेश, मध्यप्रदेश, पंजाब, राजस्थान, झारखंडमध्ये अनेक दलित आणि आदिवासी संघटनांनी आंदोलन केले.

6 / 7

या आंदोलनाला हिंसक वळण लागल्याने आंदोलकांना पांगविण्यासाठी पोलिसांना अनेक ठिकाणी लाठीचार्ज करावा लागला. तर उत्तर प्रदेशात मेरठमध्ये आंदोलकांवर गोळीबार करण्यात आला, त्यात एकाचा मृत्यू झाला.

7 / 7

ग्वाल्हेरमध्ये आंदोलनावेळी पोलिसांनी केलेल्या लाठीचार्जमध्ये अनेक जण जखमी झाले. जखमींपैकी दोघांची प्रकृती चिंताजनक आहे.