नाशकात बस आणि रिक्षा भीषण अपघातानंतर बस विहिरीत कोसळून 21 जणांचा मृत्यू

1 / 10

नाशकातल्या देवळा-सौंदाणे रस्त्यावर आज दुपारी एसटी बस आणि अ‍ॅपेरिक्षाची भीषण अपघात झाला आहे.

2 / 10

बस आणि रिक्षाची समोरासमोर धडक झाल्यानंतर दोन्ही वाहनं सुमारे 70 फूट खोल विहिरीत कोसळली. या अपघातात आतापर्यंत 21 जणांचा मृत्यू झाला आहे.

3 / 10

कळवण डेपोची एसटी बस धुळ्याहून कळवणकडे निघाली होती. देवळा-सौंदाणे रस्त्यावर मेशी फाट्यालगत देवळ्याहून मालेगावकडे जाणाऱ्या रिक्षाला तिने धडक दिली.

4 / 10

अपघाताचे वृत्त कळताच पोलिसांनी घटनास्थळी धाव घेऊन मदतकार्य सुरू केले. नागरिकांचीही येथे मोठी गर्दी उसळली आहे.

5 / 10

दोन्ही वाहनांच्या चालकांना वेग नियंत्रणात अपयश आल्यानं ही दुर्घटना घडली. या धडकेनंतर बसनं रिक्षाला फरफटत नेलं.

6 / 10

यानंतर दोन्ही वाहनं विहिरीत पडली. विहिरीत रिक्षावर बस पडल्यानं रिक्षामधील सात ते आठ प्रवाशांचा मृत्यू झाल्याचं समजतं.

7 / 10

याशिवाय बसमधील काही प्रवाशांवरदेखील काळानं घाला घातला आहे. यामध्ये चालकाचादेखील समावेश आहे.

8 / 10

अपघाताची माहिती मिळताच जिल्हा शल्य चिकित्सक तातडीनं घटनास्थळी रवाना झाले. नाशिकहून जिल्हा रुग्णालयाच्या पाच गाड्या रवाना करण्यात आल्या.

9 / 10

विहिरीत पडलेली बस काढण्यात प्रशासनाला यश आलं आहे. मात्र अद्याप दोन जण बेपत्ता आहेत. सध्या शोधकार्य थांबवण्यात आलं आहे.

10 / 10

एसटी बसचा टायर फुटल्यानं हा अपघात झाल्याची चर्चा आहे. मात्र एसटी प्रशासनाकडून याबद्दलची माहिती देण्यात येईल, असं घटनास्थळी असलेल्या पोलिसांनी स्पष्ट केलं आहे.