अमेरिका-भारत नव्हे, 'या' देशाने बनवला जगातील सगळ्यात घातक ड्रोन! ११ टन वजन अन् AIवर चालणार

जगभरात विविध देशांमधील युद्धजन्य परिस्थितीच्या चर्चा कानावर येत असतानाच काही देश आपल्या सैन्याला आणि देशाच्या सुरक्षेला आणखी मजबूत बनवण्याकडे लक्ष देत आहेत.

आता युद्ध देखील हायटेक बनले आहे. आजच्या काळात कोणताही देश युद्धभूमीत न जाताही दुसऱ्या देशावर हल्ला करू शकतो आणि त्याचे नुकसान करू शकतो. या यांत्रिक युद्धात ड्रोन सर्वात घातक ठरतात. लवकरच चीन जगातील सर्वात मोठे ड्रोन कॅरियर जिउ तियान तैनात करणार आहे.

चीनने जगातील सर्वात मोठे ड्रोन कॅरियर बनवले आहे, जे लवकरच सैन्यात तैनात केले जाईल. हे कॅरियर एकाच वेळी अनेक ड्रोन उडविण्यास सक्षम आहे ज्यामुळे चिनी सैन्याची ताकद मोठ्या प्रमाणात वाढेल. युद्ध आणि देखरेख यासारख्या अनेक कामांमध्ये ते मदत करेल.

जिउ तियानचे वजन ११ टन आहे आणि ते एका वेळी १०० लहान ड्रोन वाहून नेऊ शकते ज्यांचे एकूण वजन ६.६ टन असेल. हे ड्रोन ४,३५० मैल अंतरापर्यंत पाठवता येऊ शकते. चीनने झुहाई एअर शोमध्ये हे ड्रोन प्रदर्शित केले आहेत.

कामिकाझे ड्रोन देखील लाँच करू शकते. हे ड्रोन त्यांचे लक्ष्य सापडेपर्यंत वाट पाहतात आणि नंतर हल्ला करतात. हे त्याचे वैशिष्ट्य आहे. हे ड्रोन आर्टिफिशियल इंटेलिजेंस वापरून एकाच वेळी अनेक ड्रोन चालवू शकते. हे ड्रोन कठीण ठिकाणीही अचूकतेने मोहीम पूर्ण करू शकतात. ते शत्रूची सुरक्षा देखील नष्ट करू शकतात.

जिउ तियान ड्रोनची मारा क्षमता ७,००० किमी पर्यंत आहे आणि ते १५,००० मीटर पर्यंत उडण्यास सक्षम आहे. त्याचे टेक-ऑफ वजन १६,००० किलो आहे.

कामिकाझे ड्रोन किंवा यूएव्ही, क्रूझ क्षेपणास्त्रे आणि पीएल-१२ई सारख्या क्षेपणास्त्रांव्यतिरिक्त हे मदरशिप ड्रोन एकाच वेळी १०० लहान ड्रोन वाहून नेऊ शकते.