Israel Iran War : इराणच्या क्षेपणास्त्र हल्ल्यामुळे संरक्षण यंत्रणेवर तणाव; फक्त १० दिवसांचा साठा शिल्लक

Israel Iran War : इराण आणि इस्त्रायलमध्ये तणाव सुरू आहे. शुक्रवारी रात्री, काही इराणी क्षेपणास्त्रे इस्रायली संरक्षण यंत्रणेला चुकवून तेल अवीवमधील आयडीएफ मुख्यालयाजवळ पडली.

Israel Iran War : मागील काही दिवसांपासून इस्त्रायल आणि इराणमध्ये तणाव सुरू आहे. इस्त्रायलने इराणवर हल्ले वाढवले आहेत. या हल्ल्यांना इराणनेही प्रत्युत्तर दिले आहे.

इराणसोबत सुरू असलेल्या भयंकर क्षेपणास्त्र युद्धात इराणच्या लष्करी पायाभूत सुविधांना गंभीर नुकसान पोहोचवल्याचा दावा इस्रायल करत आहे. पण, इस्त्रायलच्या क्षेपणास्त्र संरक्षण यंत्रणेवर प्रचंड दबाव आला आहे. अमेरिकन गुप्तचर अहवालांचा हवाला देत, वॉल स्ट्रीट जर्नलने वृत्त दिले आहे. यामध्ये इस्रायलचा लांब पल्ल्याच्या क्षेपणास्त्र इंटरसेप्टर्सचा पुरवठा वेगाने कमी होत आहे, यामुळे त्यांच्या संरक्षण क्षमतेच्या स्थिरतेवर प्रश्नचिन्ह उपस्थित होत आहे.

गेल्या शुक्रवारपासून इराणने इस्रायलवर सुमारे ४०० बॅलिस्टिक क्षेपणास्त्रे डागली आहेत. तर दुसरीकडे, इस्रायलकडे फक्त १०-१२ दिवसांचा इंटरसेप्टर स्टॉक शिल्लक आहे. जर हल्ले याच वेगाने सुरू राहिले तर इस्रायलच्या अडचणी वाढू शकतात.

अ‍ॅरो सिस्टीमच्या फक्त एका इंटरसेप्टरची किंमत सुमारे २५ कोटी रुपये आहे. रात्रीच्या क्षेपणास्त्र संरक्षणावर १ अब्ज शेकेल म्हणजेच २३८० कोटी रुपये खर्च केले जात आहेत.

"ऑपरेशन रायझिंग लायन" सुरू झाल्यापासून, इस्रायलने इराणवर अनेक हवाई हल्ले केले आहेत. लष्करी, अणु आणि संबंधित प्रतिष्ठानांना लक्ष्य करण्यात आले होते.

डब्ल्यूएसजेच्या मते, इस्रायलने इराणच्या तीनपैकी एक क्षेपणास्त्र लाँचर्स नष्ट केले आहेत. इराणच्या २००० क्षेपणास्त्रांपैकी निम्म्याहून अधिक क्षेपणास्त्रे अजूनही त्यांच्या ताब्यात आहेत. त्यापैकी अनेक गुप्त भूमिगत तळांमध्ये लपल्याचा संशय आहे.

इस्रायलच्या बहुस्तरीय क्षेपणास्त्र संरक्षण प्रणालीमध्ये आयर्न डोम, डेव्हिड्स स्लिंग, अ‍ॅरो आणि अमेरिकेने मिळवलेले पॅट्रियट आणि THAAD यांचा समावेश आहे. या सर्वांवर आता प्रचंड दबाव आहे. एका अमेरिकन अधिकाऱ्याच्या हवाल्याने अहवालात म्हटले आहे की, ही प्रणाली आधीच संपली आहे. लवकरच इस्रायलला कोणती क्षेपणास्त्रे रोखायची आणि कोणती नाही हे ठरवावे लागेल.

इस्रायलच्या बहुस्तरीय क्षेपणास्त्र संरक्षण प्रणालीमध्ये आयर्न डोम, डेव्हिड्स स्लिंग, अ‍ॅरो आणि अमेरिकेने मिळवलेले पॅट्रियट आणि THAAD यांचा समावेश आहे. या सर्वांवर आता प्रचंड दबाव आहे. एका अमेरिकन अधिकाऱ्याच्या हवाल्याने अहवालात म्हटले आहे की, ही प्रणाली आधीच संपली आहे. लवकरच इस्रायलला कोणती क्षेपणास्त्रे रोखायची आणि कोणती नाही हे ठरवावे लागेल.

शुक्रवारी रात्री, काही इराणी क्षेपणास्त्रे इस्रायली संरक्षण प्रणालींपासून वाचली आणि तेल अवीवमधील आयडीएफ मुख्यालयाजवळ पडली. रविवारी, क्षेपणास्त्र हल्ल्यामुळे हैफाजवळील एक तेल शुद्धीकरण कारखाना बंद करावा लागला. मंगळवारी सकाळी, सोशल मीडिया व्हिडिओंमध्ये तेल अवीवच्या उत्तरेकडील एका गुप्तचर संकुलाजवळ अनेक क्षेपणास्त्र स्फोट दिसून आले. आतापर्यंत, इस्रायली सरकारने २४ जणांचा मृत्यू आणि ६०० हून अधिक जखमींची पुष्टी केली आहे.

इस्रायलच्या सर्वात महागड्या आणि प्रगत संरक्षण कवचाचे संरक्षण करण्याचे आव्हान आता गंभीर होत चालले आहे. जर अमेरिकेकडून लवकरच इंटरसेप्टर्सचा पुरवठा किंवा थेट लष्करी मदत मिळाली नाही, तर पुढील काही दिवसांत इस्रायलची संरक्षण व्यवस्था कोलमडू शकते.