धूळ, प्रदूषणामुळे येणारा खोकला की कोरोनाचं संक्रमण? असा ओळखा या दोघांमधील फरक

Published: October 26, 2020 06:36 PM2020-10-26T18:36:14+5:302020-10-26T18:45:28+5:30

CoronaVirus News & latest Updates : घसा खवखवणे आणि कोरडे खोकला ही कोरोनाची विषाणूची लक्षणं आहेत, परंतु बाह्य वातावरणामुळे देखील दम लागणं घसा खवखवणं, श्वास घ्यायला त्रास होणं अशा समस्या उद्भवतात.

सध्या कोरोना व्हायरसने संपूर्ण जगभरात कहर केला आहे. दिवसेंदिवस रुग्णांच्या संख्येत वाढ होत आहे. ताज्या अहवालांमध्ये असे सूचित केले गेले आहे की जगातील प्रदूषित शहरांपैकी एक असलेल्या दिल्लीत पुन्हा एकदा वायु आणि धुके पसरली आहेत. त्यामुळे श्वसनविषयक समस्या तीव्रतेने जाणवू शकतात. जगात सर्वत्र माहामारीपसरत असताना श्वसनाच्या समस्या निर्माण होणं धोक्याचं ठरू शकतं. कोरडे खोकला आणि घसा खवखवणे ही दोन लक्षणे आहेत जी एलर्जी, प्रदूषणामुळे उद्भवत असून कोरोनाची सुरूवातीची लक्षणंही अशीच आहेत. कोरोनाचं संक्रमण झाल्यानंतर या लक्षणांचा सामना करावा लागू शकतो.

घसा खवखवणे आणि कोरडे खोकला ही कोरोनाची विषाणूची लक्षणं आहेत, परंतु बाह्य वातावरणामुळे देखील दम लागणं घसा खवखवणं, श्वास घ्यायला त्रास होणं अशा समस्या उद्भवतात. घसा खवखवण्याव्यतिरिक्त, प्रदूषण आणि चिडचिडेपणामुळे डोळ्यातील संक्रमण, डोकेदुखी, सर्दी, वाहणारे नाक आणि नाकाच्या नंतरच्या थेंबांसारखे लक्षणे उद्भवू शकतात. अशी स्थिती उद्भवते तेव्हा त्वचा, नाकाचे मेंम्रेन आणि श्वसनमार्गामध्ये प्रदूषित हवा मोठया प्रमाणात शिरते.

प्रदूषणामुळे होणारा त्रास आणि कोरोना व्हायरसचं संक्रमण याबाबत केवळ (आरटी-पीसीआर / Antiटिजेन) चाचणीने माहिती मिळवता येऊ शकते. यासाठी सुरुवातीच्या काळात आपल्याला जी लक्षणं दिसतात त्याकडे लक्ष द्या. उदाहरणार्थ कोरोनााचं संक्रमण झाल्यानंतर सौम्य-तापाचा ताप, वास न येणं ही लक्षणं दिसून येतात. कोरोनाकाळात कोणतीही समस्या उद्भवल्यास किंवा संबंधित आजाराची लक्षणं दिसल्यास स्वतःला आयसोलेट करणं, वैयक्तीक स्वच्छता बाळगणं महत्वाचं असतं.

प्रदुषणांमुळे कोरोनाचं संक्रमण होऊ शकतं का? : कोरोना व्हायरसच्या संक्रमणाप्रमाणेच लहान मुले, गर्भवती महिला आणि कमी रोग प्रतिकारशक्ती आणि पूर्वी श्वसनसमस्या असलेल्यांना प्रदूषणाचा धोका सर्वात जास्त असतो. तज्ञांचाही असा दावा देखील आहे की प्रदूषणाच्या वाढत्या धोक्यामुळे वाढत्या महामारीवर नियंत्रण ठेवणे अधिक कठीण होत आहे. एलर्जी आणि प्रदूषणसाठी कारणीभूत ठरत असलेल्या घटकांमुळे लोक कोरोनाला बळी पडत आहेत. परिणामी घसा खवखवणे, लाल होणं वेदना होणं असा त्रास होतो.

श्वास घ्यायला त्रास आणि छातीत दुखणे ही कोविड -१९ ची काही चिंताजनक लक्षणं आहेत. विशेष म्हणजे एलर्जी या जर्नलमध्ये प्रसिद्ध झालेल्या अभ्यासानुसार ज्या लोकांना वारंवार एलर्जी होते त्यांच्या शरीरात एक विशेष इम्युनो एंजाइम असतात, ज्यामुळे ते कोविड -१९ आणि इतर काही विषाणूंच्या संसर्गाचा धोका कमी होतो.

मास्क वापरून प्रदूषणापासून शरीराचा बचाव करता येऊ शकतो का? : वायू प्रदूषण आरोग्यासाठी जोखीम वाढवू शकते. प्रदूषण करत असलेल्या घटकांपासून वाचण्यासाठी आणि एलर्जी कमी करण्यासाठी मास्कचा वापर गरजेचं आहे. त्यासाठी एन 95 / डब्ल्यू 95 मास्क किंवा तीन लेअर्स असलेला कापडाचा मास्क तुम्ही वापरू शकता.

अशी घ्या काळजी: जर आपण ऑफिसला परत जाण्यास सुरुवात केली असेल, तर आपले हात, नेहमी धुवत राहा..

वैयक्तीक स्वच्छता पाळा, बाहेरून आल्यानंतर कपडे धुवा, रोगप्रतिकारकशक्ती वाढवत असलेल्या आहाराचे सेवन करा.

बाहेरचे अन्नपदार्थ खाणं टाळा. सोशल डिस्टेंसिंगचे पालन करा. शक्यतो गर्दीच्या ठिकाणी टाळा.

वाचकहो, 'लोकमत'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatNews ) आणि मिळवा महत्त्वाचे अपडेट्स अन् ताज्या बातम्या!