राज निदिमोरुची एकूण नेटवर्थ किती?; समंथापेक्षा इतक्या वर्षांनी मोठा आहे दुसरा नवरा

कोण आहे राज निदिमोरु? वाचा सविस्तर

अभिनेत्री समंथा रुथ प्रभू दुसऱ्यांदा लग्नबंधनात अडकली आहे. कोईम्बतूर येथील सद्गुरुंच्या ईशा योग सेंटरच्या लिंग भेरवी मंदिरात तिने दिग्दर्शक राज निदिमोरुसोबत सातफेरे घेतले.

समंथाने लग्नाचे फोटो पोस्ट केले आहेत. लाल रंगाची साडी, भरजरी दागिने, हातावर मेहंदी, केसात गजरा या लूकमध्ये ती खूप सुंदर दिसत आहे.

राज निदिमोरुने गाजलेल्या 'फॅमिली मॅन' सीरिजचे दिग्दर्शन केलं आहे. तसंच 'सिटाडेल हनी बनी' ही सीरिजही दिग्दर्शित केली आहे. या सीरिजमध्ये समंथाचीच भूमिका होती. राज निदिमोरु नक्की कोण आहे?

राज निदिमोरु हा इंडियन-अमेरिकन फिल्ममेकर, लेखर आणि निर्माता आहे. कृष्णा डीकेसोबत त्याने फर्जी, फॅमिली मॅन सीरिज बनवल्या. 'गो गोवा गॉन','स्त्री' या सुपरहिट सिनेमांची कहाणी या जोडीने लिहिली.

राज प्रसिद्धीझोतापासून कायम दूर असतो. समंथासोबत अफेअरच्या चर्चांमुळेच तो लाईमलाइटमध्ये आला. तसंच राजचंही हे दुसरं लग्न आहे.

राजचा जन्म ४ ऑगस्ट १९७५ रोजी तिरुपति आंध्र प्रदेशमध्ये झाला. तो ५० वर्षांचा आहे. तर समंथा ३८ वर्षांची आहे. दोघांमध्ये १२ वर्षांचं अंतर आहे.

राजने इंजिनिअरिंग केलं आहे. नंतर तो टेक्नॉलॉजी सेक्टरमध्ये काम करण्यासाठी अमेरिकेत गेला. तिथे त्याची भेट कृष्णा डीकेसोबत झाली. दोघांनी फिल्ममेकिंगसाठी सॉफ्टवेअरमधलं करिअर सोडलं. कारण दोघांचं फिल्ममेकिंग हे एकच पॅशन होतं.

राजचं पहिलं लग्न श्यामली डेसोबत झालं होतं. २०२२ मध्ये त्यांचा घटस्फोट झाला. समंथासोबत त्याच्या अफेअरच्या चर्चा सुरु झाल्या तेव्हा श्यामलीने अनेकदा क्रिप्टिक पोस्ट शेअर केल्या.

राज आणि समंथाची पहिली भेट 'फॅमिली मॅन सीझन २'वेळी झाली. तेव्हा दोघं प्रेमात पडले. यानंतर एका वर्षात राजने श्यामलीला घटस्फोट दिला. यावरुन समंथावर दोघांचा संसार मोडण्याचा आरोपही लावला गेला.

मीडिया रिपोर्टनुसार, राजची नेटवर्थ ४५ ते ६० कोटी एवढी आहे. तर ओटीटी प्रोजेक्ट्स, प्रोडक्शन व्हेंचर्स आणि इंटरनॅशनल कोलॅबोरेशन बगता त्याची नेटवर्थ ८५ कोटी एवढीही मानली जाते.