अभिनयाचा हिमालय सह्याद्रीसमोर झुकतो तेव्हा....

1 / 10

'महाराष्ट्राची हास्यजत्रा' हा कार्यक्रम आता घराघरात पोहोचला आहे. तणावतल्या कुटुबीयांना उल्हासित करण्याचं, त्यांच्या तणावाला काही प्रमाणात हलकं करण्याचं काम महाराष्ट्राची हास्यजत्रा या कार्यक्रमातून होतंय.

2 / 10

हास्यजत्रा सध्या तुफान लोकप्रिय बनली आहे. नुकतेच या टीमने बिग बी अमिताभ बच्चन यांच्या 'कौन बनेगा करोडपती १३' च्या सेटवर धडक दिली.

3 / 10

महानायक अमिताभ बच्चन यांची भेट झाल्याने सर्वच कलाकार अतिशय आनंदी झाले आहेत. यावेळी अमिताभ यांनी हा कार्यक्रम आवर्जून पहात असल्याचे सांगितल्याने कलाकारांचा आनंद द्विगुणीत झालाय.

4 / 10

महाराष्ट्राच्या हास्यजत्राच्या टीमची आणि अमिताभ बच्चन यांच्या भेटीतील एक क्षण सध्या सोशल मीडियावर व्हायरल होत आहे. विनोदवीर समीर चौगुलेंच्या कामाचं अमिताभ यांनी तोंडभरून कौतुक केलं.

5 / 10

अमिताभ यांनी समीर यांच्या कलेचा आदर म्हणून चक्क वाकून नमस्कार केला होता. समीर आणि संपूर्ण टीमसाठी हा अनपेक्षित धक्काच होता. कारण, अभिनयाचा हिमालय चक्क सह्याद्रीसमोर झुकल्याचं पाहायला मिळालं.

6 / 10

अमिताभ यांच्या या कृतीन समीर यांनाही आश्चर्याचा मोठा धक्काच बसला आहे. त्यामुळे, अमिताभ यांच्या भेटीचं वर्णन करताना, समीर यांनी तो क्षण... आयुष्यभर काळजाच्या कुपीत साठवून ठेवण्याचा, असल्याचं म्हटलं.

7 / 10

मेंदूत त्या क्षणाची पर्मनंट “एफडी” करून ठेवण्याचा... खूप वेळ भारावून जाण्याचा.. तो क्षण आपल्या आयुष्यात एकदा तरी येतोच हे काल सिद्ध झालं, असेही समीर यांनी म्हटले आहे.

8 / 10

समीर यांनी आपल्या इंस्टा अकाऊंटवरुन या भेटीचे फोटो शेअर केले आहेत. मात्र, त्यांनी अमिताभ हे आपल्यासमोर आदरार्थी झुकल्याचा फोटो शेअर केला नाही.

9 / 10

समीर हे अमिताभ यांच्या कृतीने भारावुन गेले, तरीही महानायकाचा तोच सन्मान ठेवत त्यांनी आवर्जून तो फोटो शेअर करण्याचं टाळल्याचं दिसून येतं.

10 / 10

समीर यांनी अमिताभ यांच्या जंजीर या चित्रपटाचाही आवर्जून उल्लेख केला आहे. जंजीर चित्रपटाचे प्रदर्शन आणि माझा जन्म एकाच वेळेचा. म्हणूनच जंजीर चित्रपटाला मी माझा जुळा भाऊ मानतो, असेही समीरने म्हटले.