सौंदर्यात मोठ्या अभिनेत्रींना टक्कर! कोण आहे 'बिग बॉस १९' फेम गौरव खन्नाची पत्नी आकांक्षा?

गौरव खन्नाची पत्नी आकांक्षाचं शिक्षण किती अन् काय करते?

अभिनेता गौरव खन्ना सध्या 'बिग बॉस १९' मुळे घराघरात चर्चेत आहे. घरात तो जसा आपल्या खेळाने प्रेक्षकांचं लक्ष वेधून घेतोय, तसंच आता त्याची पत्नी आकांक्षा हीदेखील लाईमलाईटमध्ये आली आहे.

'बिग बॉस'च्या फॅमिली वीकमध्ये आकांक्षा नुकतीच घरात आली आणि तिची सुंदरता पाहून चाहते अक्षरशः भारावून गेले आहेत.

आकांक्षा आता सोशल मीडियावर धुमाकूळ घालत आहे. तिचे फोटो व्हायरल होत आहेत.

गौरवप्रमाणेच आकांक्षा देखील टेलिव्हिजन जगात काम करते. तिने २०१५ मध्ये 'स्वरागिनी' या टीव्ही मालिकेने तिच्या कारकिर्दीची सुरुवात केली. या शोमध्ये तिने 'परिणीता'ची भूमिका साकारली होती.

मुंबईची रहिवासी असलेल्या आकांक्षाने "भूतू" आणि "रिवाइंड वाला लव्ह" सारख्या टीव्ही शोमध्येही आपल्या अभिनयाची छाप पाडली आहे.

आकांक्षा तिच्या उत्कृष्ट अभिनयासोबतच तिच्या फॅशन सेन्ससाठी देखील ओळखली जाते. ती सोशल मीडियावर नियमितपणे स्वतःचे फोटो शेअर करत असते, ज्यातून तिचा फॅशन सेन्स स्पष्ट दिसून येतो.

आकांक्षाने अभिनयाच्या दुनियेत येण्यापूर्वी वाणिज्य विषयात पदव्युत्तर शिक्षण (Postgraduate in Commerce) पूर्ण केले आहे.

गौरव आणि आकांक्षाच्या लव्हस्टोरीबद्दल बोलायचं झालं तर एका ऑडिशनदरम्यान त्यांची पहिली भेट झाली होती. वर्षभर डेटिंग केल्यानंतर गौरव आणि आकांशाने २०१६ मध्ये लग्न केले.

गौरव व आंकाक्षा यांच्या लग्नाला ९ वर्षे झाली आहेत. दोघेही आनंदी वैवाहिक जीवन जगत आहेत. त्यांच्यात वयात बरेच अंतर आहे. आकांक्षा गौरव पेक्षा १० वर्षांनी लहान आहे.

अभिनेता ४३ वर्षांचा आहे, तर आकांक्षा ३४ वर्षांची आहे. पण, वयातील मोठं अंतर त्यांच्या नात्यात कधीही अडथळा ठरलं नाही.