'बालिका वधू'मधला जग्ग्या आठवतोय? आता दिसतो मोस्ट स्टायलिश अन् हँडसम; ओळखलंत का?

अविका गौर आज प्रसिद्ध अभिनेत्री आहे. पण छोटा जग्ग्या आज कुठे आहे?

'बालिका वधू' या मालिकेने एकेकाळी टीव्हीवर प्रचंड लोकप्रियता मिळवली होती. मालिकेची संकल्पना, कलाकारांचा अभिनय, प्रत्येक एपिसोडनंतर दिला जाणार संदेश यामुळे मालिका प्रेक्षकांना खूप भावली.

मालिकेत छोटी आनंदी आणि दादी सा यांचं नातं खूपच गोड होतं. अविका गौरने छोट्या आनंदीच्या भूमिका साकारली होती. तर तिचा नवरा होता जग्ग्या म्हणजेच जगदीश. अभिनेता अविनाश मुखर्जीने छोट्या जग्ग्याची भूमिका साकारली होती.

छोटी आनंदी म्हणजे अविका गौर आज प्रसिद्ध अभिनेत्री आहे हे सगळ्यांनाच माहित आहे. पण छोटा जग्ग्या नक्की कुठे आहे? आता तो कसा दिसतो? असा प्रश्न अनेकांना पडला असेल.

अभिनेता अविनाश मुखर्जी (Avinash Mukherjee) 'बालिका वधू' मालिकेवेळी ११ वर्षांचा होता. आज तो एकदम हँडसम आणि स्टायलिश दिसतो. त्याच्या चार्मिंग लूकवर तरुणी घायाळ होतात.

अविनाश मुखर्जी आज २७ वर्षांचा आहे. 'बालिका वधू' नंतरही त्याने अभिनय सुरु ठेवला. 'ससुराल सिमर का २', 'संस्कार धरोहर अपनो की','इतना करो ना मुझे प्यार','पांचाली' या मालिकांमध्येही दिसला.

२०१६ ते २०२१ दरम्यान त्याने 'शक्ती: अस्तित्व के एहसास की' या मालिकेतही काम केलं. 'ससुराल सिमर का २'मध्ये त्याची राधिका मुथुकुमारसोबत केमिस्ट्री खूप लोकप्रिय झाली.

अविनाश मुखर्जीची स्वत:ची AMM MEDIA ही डिजीटल मार्केटिंग कंपनीही आहे. अविनाश मुखर्जीचा चार्मिंग, हँडसम लूक पाहून अनेक तरुणी घायाळ झाल्या आहेत. अविनाशचे इन्स्टाग्रामवर १ मिलियन फॉलोअर्स आहेत.