Zomato Share Listing: झोमॅटोचं शेअर बाजारात जबरदस्त लिस्टिंग; पहिल्याच दिवशी गुंतवणूकदारांचे पैसे दुप्पट

1 / 10

Zomato Share Listing: ऑनलाईन फूड ऑर्डरिंग प्लॅटफॉर्म झोमॅटोच्या शेअर्सची आज शेअर बाजारात जबरदस्त लिस्टिंग झाल्याचं पाहायला मिळालं. झोमॅटोच्या शेअर्सचे दर त्याच्या आयपीओच्या प्राईजच्या तुलनेत जवळपास ८० टक्के प्रिमिअमवर लिस्ट झाले.

2 / 10

झोमॅटोच्या शेअर्ससाठी प्राईज बँड ७६ रूपये निश्चित करण्यात आला होता. झोमॅटोचे शेअर्स निर्धारित वेळेच्या पूर्वीच शेअर बाजारावर लिस्ट करण्यात आले.

3 / 10

दरम्यान, यापूर्वी कंपनीनं २३ जुलै ते २७ जुलैच्या दरम्यान शेअर्स लिस्ट होऊ शकतात असं म्हटलं होतं. परंतु हे शेअर्स शुक्रवारी २३ जुलै रोजीच लिस्ट करण्यात आले.

4 / 10

९३७५ कोटी रूपयांचा हा मेगा आयपीओ सबस्क्रिप्शनसाठी गेल्या आठवड्यात १४ ते १६ जुलैदरम्यान उघडला होता. झोमॅटोचं मार्केट कॅप लिस्टिंग नंतरच १ लाख कोटी रूपयांच्या पुढे गेला आहे.

5 / 10

झोमॅटोचा आयपीओ मार्च २०२० नंत देशातील सर्वात मोठा आयपीओ इश्यू होता. कंपनीनं यासाठी ७२ ते ७६ रूपयांचा प्राईज बँड निश्चित केला होता.

6 / 10

झोमॅटोनं या आयपीओच्या माध्यमातून ९ हजार कोटी रूपयांचे फ्रेश शेअर्स आणि ३७५ कोटी रूपयांचे शेअर्स नोकरी डॉट कॉमच्या पॅरेंट कंपनी इन्फोएजद्वारे ऑफर फॉर सेल अंतर्गत जारी करण्यात आले होते.

7 / 10

कंपनीच्या आयपीओतून मिळालेल्या रकमेचा वापर ऑर्गेनिक आणि इन ऑर्गेनिक ग्रोथ इनिशिएनटिव्ह आणि सामान्य कॉर्पोरेट गरजांसाठी केला जाणार आहे.

8 / 10

झोमॅटोचा आयपीओ ३८.२५ पट अधिक सबस्क्राईब झाला होता. परंतु कर्मचाऱ्यांसाठी आरक्षित असलेला हिस्सा पूर्ण सबस्क्राईब झाला नव्हता.

9 / 10

क्वालिफाईड इन्स्टिट्यूशनल बायर्ससाठी आरक्षित हिस्सा ५१.७९ पट, नॉन इन्स्टिट्यूशनल इन्व्हेस्टर्ससाठी आरक्षित हिस्सा ३२.९६ पट अधिक सबस्क्राईब झाला होता.

10 / 10

तर दुसरीकडे कर्मचाऱ्यांसाठी आरक्षित असलेला हिस्सा ०.६२ टक्के अधिक आणि किरकोळ गुंतवणूकदारांसाठी आरक्षित हिस्सा ७.४५ पट अधिक सबस्क्राईब झाला होता.