PPF मध्ये मिळेल दुप्पट व्याज! फक्त एक छोटी ट्रिक करेल कमाल; फायदा घेतला नसेल तर अजूनही संधी गेलेली नाही

PPF Double Interest: सार्वजनिक भविष्य निर्वाह निधीत (PPF) गुंतवणूक करणे हा चांगल्या व्याज आणि कर बचतीसाठी एक उत्तम पर्याय आहे. बहुतांश भारतीय या योजनेत गुंतवणूक करण्यास प्राधान्य देतात. त्यावर सरकारची हमी आहे. विशेष म्हणजे ही गुंतवणूक ई-ई-ई श्रेणीत ठेवण्यात आली आहे.

पीपीएफमध्ये तुमची गुंतवणूक, व्याज आणि मॅच्युरिटीची रक्कम पूर्णपणे करमुक्त आहे. पीपीएफमध्ये वार्षिक दीड लाख रुपयांपर्यंतच्या गुंतवणुकीवर करसवलत मिळते. परंतु, तुम्ही ही गुंतवणूक वाढवू शकता आणि तुम्हाला दुप्पट व्याजाचा फायदाही मिळू शकतो. समजून घेऊया कसा याचा फायदा घेता येऊ शकतो.

पीपीएफमधील जुन्या कर प्रणालीचा दावा करणाऱ्यांना आयकराच्या कलम ८० सी अंतर्गत दीड लाख रुपयांपर्यंतच्या गुंतवणुकीवर करसवलत मिळते. पीपीएफमध्ये गुंतवणुकीची कमाल मर्यादा दीड लाख रुपये आहे. तुम्ही वर्षातून १२ वेळा पैसे जमा करू शकता. परंतु, विवाहित गुंतवणूकदारांसाठी एक सोपी गोष्ट आहे. जर तुम्ही तुमच्या जोडीदाराच्या नावानं पीपीएफ खातं उघडलं तर तुम्ही एका आर्थिक वर्षात गुंतवणूक दुप्पट करू शकता आणि दोन्ही खात्यावरील व्याजाचाही फायदा घेऊ शकता.

आपल्या जोडीदाराच्या नावानं पीपीएफ खातं उघडून गुंतवणूकदार आपल्या इतर गुंतवणुकीच्या पर्यायाऐवजी पीपीएफमध्ये गुंतवणूक करू शकतो, असं तज्ज्ञांचं म्हणणं आहे. अशा परिस्थितीत त्याच्यासमोर दोन पर्याय असतील. सर्वप्रथम तुमच्या खात्यात दीड लाख रुपयांपर्यंत रक्कम जमा करता येईल. तर दुसरा आर्थिक वर्षात जोडीदाराच्या नावे दीड लाख रुपये जमा करू शकतो.

या दोन्ही खात्यांवर वेगवेगळं व्याज मिळणार आहे. तर एकाच खात्यावर दीड लाख रुपयांपर्यंत ची करसवलत घेतली जाऊ शकते. अशावेळी तुमच्या पीपीएफ गुंतवणुकीची मर्यादा दुप्पट होऊन ३ लाख रुपये होईल. ई-ई-ई श्रेणीत येत असल्यानं गुंतवणूकदाराला पीपीएफ व्याज आणि मॅच्युरिटीच्या रकमेवरील करसवलतीचाही फायदा होणार आहे.

इन्कम टॅक्सच्या कलम ६४ अन्वये तुम्ही तुमच्या पत्नीला दिलेली कोणतीही रक्कम किंवा भेटवस्तू तुमच्या उत्पन्नात जोडली जाईल. मात्र, ईईईमुळे ची पूर्णपणे करमुक्त असलेल्या पीपीएफच्या बाबतीत क्लबिंगच्या तरतुदींचा कोणताही परिणाम होत नाही.

भविष्यात जेव्हा तुमच्या जोडीदाराचं पीपीएफ खातं मॅच्युअर होईल, तेव्हा तुमच्या जोडीदाराच्या पीपीएफ खात्यातील सुरुवातीच्या गुंतवणुकीतून मिळणारं उत्पन्न वर्ष दर वर्ष तुमच्या उत्पन्नात जोडलं जाईल. त्यामुळे या पर्यायामुळे विवाहितांना पीपीएफ खात्यात आपलं योगदान दुप्पट करण्याची संधी मिळते. एप्रिल ते जून २०२५ या तिमाहीसाठी पीपीएफचा व्याजदर ७.१ टक्के निश्चित करण्यात आला आहे.