तुम्हाला माहिती नसेल... सर्वाधिक पगार कोणत्या देशातील लोकांना मिळतो, तो किती आहे?

जास्त पगार कुणाला नकोय. पगार असा विषय आहे की, कितीही मिळाला तरी कमीच वाटतो. पण, असा कोणता देश आहे जिथे लोकांना जगात सर्वाधिक पगार मिळतो?

जगातील कोणतीही पगारदार व्यक्ती घ्या, जवळपास प्रत्येकाचं एकच ध्येय असतं, एकच इच्छा असते, ती म्हणजे आपला पगार कधी वाढणार?

ऑर्गनायझेशन फॉर इकॉनॉमिक को-ऑपरेशन (ओईसीडी)च्या मते याबाबतीत लक्झेम्बर्ग, अमेरिका आणि स्वित्झर्लंड येथील लोक अधिक सुखी आहेत.

कारण जगात सरासरी सर्वाधिक पगार या देशांतील लोकांना मिळतो. येथील कर्मचाऱ्यांचा सरासरी वार्षिक पगार आहे अनुक्रमे ७८,३०० डॉलर, ७७,५०० डॉलर आणि ७३,००० डॉलर!

हा पगार रुपयांमध्ये सांगायचा झाला तर लक्झेंबर्ग देशातील नागरिकांना ६७ लाख ९ हजार ३२१ रुपये इतका पगार मिळतो.

अमेरिकेतली लोकांना ६६ लाख चाळीस हजार ७७१ रुपये इतका पगार मिळतो.

सर्वाधिक पगार मिळत असलेल्या लोकांच्या टॉप १० देशांच्या यादीत चौथ्या क्रमांकावर आहे बेल्जियम (६४,८०० डॉलर), तर पाचव्या क्रमांकावर आहे, डेन्मार्क (६४,१००) डॉलर.

सहाव्या क्रमांकावर आहे ऑस्ट्रिया (६३,८०० डॉलर), सातव्या क्रमांकावर आहे नेदरलॅण्ड्स (६३,२०० डॉलर).

आठव्या क्रमांकावर ऑस्ट्रेलिया (५९,४०० डॉलर), नवव्या क्रमांकावर कॅनडा (५९००० डॉलर) आणि दहाव्या क्रमांकावर जर्मनी (५८,९०० डॉलर).