PB Fintech सह हे ६ फायनॅन्शिअल स्टॉक्स ५२ आठवड्यांच्या उच्चांकी पातळीवर, महिन्यात ३५ टक्के रिटर्न्स

Share Market Investment Multibagger Stocks : पाहा कोणते आहेत हे शेअर्स, तुमच्याकडे आहेत का?

Share Market Investment Multibagger Stocks : गेल्या काही तिमाहीत भारताच्या फायनॅन्शिल सेक्टरची कामगिरी अतिशय चांगली आहे. त्यामुळे या क्षेत्रातील शेअरमध्ये तेजी दिसून येत आहे. आज आपण शेअर बाजाराच्या अशा 6 शेअर्सबद्दल माहिती घेणार आहोत, जे आर्थिक क्षेत्राशी संबंधित आहेत.

या सर्व सहा शेअर्सनं गेल्या महिन्यात जबरदस्त कामगिरी दाखवली आहे आणि त्यांच्या गुंतवणूकदारांना 35 टक्क्यांपर्यंत परतावा दिलाय. या दरम्यान, शेअर्सनं त्यांचा 52 आठवड्यांचा उच्चांकी स्तरही गाठला आहे.

Aditya Birla Capital - वित्तीय क्षेत्रातील पहिला स्टॉक आदित्य बिर्ला कॅपिटलचा आहे. गेल्या एका महिन्यात, या शेअरनं आपल्या गुंतवणूकदारांना 16 टक्के परतावा दिला आहे. स्टॉकचा नवीन 52 आठवड्यांचा उच्चांक 193.5 रुपये आहे.

Angel One - देशांतर्गत बाजारातील टॉप ब्रोकरेज कंपनी एंजल वनच्या शेअरनं गेल्या महिन्यात आपल्या गुंतवणूकदारांना सुमारे 35 टक्के परतावा दिला आहे. स्टॉकमधील चांगल्या कामगिरीमुळे त्यानं 1726.55 या 52 आठवड्यांचा उच्चांक देखील गाठला आहे.

Can Fin Homes - कॅन फिन होम्सच्या स्टॉकनं गेल्या महिन्यात सुमारे 15 टक्क्यांची जोरदार उसळी घेतली आहे. शेअर्समधील या वाढीमुळे, या शेअरनं 787.3 रुपयांची 52 आठवड्यांची नवीन उच्च पातळी देखील गाठली आहे.

HDFC Life Insurance - एचडीएफसी लाइफ इन्शुरन्स कंपनीच्या शेअरनं अलीकडेच 672.3 रुपयांच्या 52 आठवड्यांच्या उच्चांकाला स्पर्श केला आहे. स्टॉकचा सीएमपी 667.7 रुपये आहे. गेल्या महिन्यात या शेअरमध्ये सुमारे 16 टक्क्यांची वाढ दिसून आली आहे.

Muthoot Finance - मुथूट फायनान्सच्या शेअरमध्ये गेल्या महिन्यात सुमारे 12 टक्क्यांची वाढ झाली आहे. शेअरचा नवा 52 आठवड्यांचा उच्चांक 1243.1 रुपये आहे. शेअरची सध्याची किंमत 1235.85 रुपये इतकी आहे.

PB Fintech - पीबी फिनटेक स्टॉकनं गेल्या एका महिन्यात आपल्या गुंतवणूकदारांना सुमारे 19 टक्के परतावा दिला आहे. शेअरमधील या चांगल्या तेजीमुळे शेअरनं 731.65 रुपये या 52 आठवड्यांचा उच्चांकी स्तरही गाठलाय.

टीप - यामध्ये शेअरच्या कामगिरीविषयी माहिती देण्यात आलीये. कोणत्याही प्रकारची गुंतवणूक करण्यापूर्वी या क्षेत्रातील जाणकार किंवा तज्ज्ञांचा सल्ला घेणं आवश्यक आहे.