पहिल्यांदाच शेअर वाटायची तयारी, दोन दिवसांत 40% हून अधिक वधारला हा शेअर, केलं मालामाल!

या शेअरची ५२ आठवड्यांची उच्चांकी पातळी १८७ रुपये आहे...

बुधवारी केसर एंटरप्रायझेसच्या स्मॉलकॅप शेअरमध्ये जबरदस्त वाढ दिसून आली. हा शेअर बुधवारी बीएसईवर २० टक्क्यांनी वधारून ११३.१३ रुपयांवर पोहोचला. कंपनीच्या शेअर्समध्ये सलग दुसऱ्या दिवशी ही तुफानी तेजी दिसून आली आहे.

महत्वाचे म्हणजे, केसर एंटरप्रायझेसचे शेअर्स गेल्या दोन ट्रेडिंग दिवसांत ४३.८ टक्क्यांनी वधारले आहेत, असे इकॉनॉमिक टाईम्सच्या वृत्तात म्हणण्यात आले आहे. आता कंपनी आपले शेअर वाटण्याच्या तयारीत आहे.

गेल्या एका महिन्यात केसर एंटरप्रायझेसचा शेअर ५१ टक्क्यांहून अधिक वधारला आहे.

शेअर्सच्या वितरणासंदर्भात २४ जुलैला बैठक - शेअर्सच्या वितरणासंदर्भात केसर एंटरप्रायझेसच्या बोर्डाची बैठक २४ जुलै २०२५ रोजी होणार आहे. कंपनी पहिल्यांदाच आपले शेअर्स वितरित करण्याची तयारी करत आहे.

कंपनीने २१ जुलै रोजी एक्सचेंज फाइलिंगमध्येच, संचालक मंडळ २४ जुलै रोजी बैठक घेईल आणि त्यात अनेक महत्त्वाच्या कॉर्पोरेट निर्णयांवर विचार केला जाईल, अशी माहिती दिली होती. या बैठकीत कंपनी स्टॉक स्प्लिट, अधिकृत भांडवलात प्रस्तावित वाढ आणि अधिकृत शेअर भांडवलाचे पुनर्वर्गीकरण यावर विचार करेल.

पाच वर्षांत २८०% ची वाढ - गेल्या पाच वर्षांत केसर एंटरप्रायझेसच्या शेअर्समध्ये २८० टक्क्यांहून अधिक वाढ झाली आहे. २४ जुलै २०२० रोजी हा शेअर २९.७५ रुपयांवर होता. जो २३ जुलै २०२५ रोजी ११३.१३ रुपयांवर पोहोचला आहे.

तथापि, गेल्या एका वर्षात कंपनीच्या शेअर्समध्ये ३० टक्क्यांहून अधिक घसरण झाली आहे. या शेअरची ५२ आठवड्यांची उच्चांकी पातळी १८७ रुपये आहे. तर कंपनीच्या शेअर्सची ५२ आठवड्यांची नीचांकी पातळी ६१ रुपये एवढी आहे.

(टीप - येथे केवळ शेअरच्या परफॉर्मन्सची माहिती देण्यात आली आहे. हा गुंतवणुकीचा सल्ला नाही. शेअर मार्केटमधील गुंतवणूक ही जोखमीवर अवलंबून असते. त्यामुळे, गुंतवणूक करण्यापूर्वी तज्ज्ञांचा सल्ला आणि मार्गदर्शन घेणे अत्यंत आवश्यक आहे.)