२००० च्या नोटा बाद केल्यानंतर PNB आणि AXIS बँकेने बदलला निर्णय, ग्राहकांचे होणार नुकसान

गेल्या काही महिन्यांत बँकांनी एफडीचे दर वाढवलेले नाहीत. काही बँकांनी त्यांच्या ग्राहकांना एफडीवर दिले जाणारे व्याजदर कमी केले आहेत.

आरबीआयच्या आदेशानंतर बँकांनी २००० रुपयांच्या नोटा परत घेण्या संदर्भात सूचना देण्यात आल्या आहेत. अहवालानुसार, २००० रुपयांच्या नोटा बंद केल्याने बँकांची ल‍िक्‍व‍िड‍िटी समस्या संपुष्टात येईल, असे सांगण्यात आले.

याचा थेट परिणाम ग्राहकांना FD वर मिळणाऱ्या व्याजावर होईल. म्हणजेच बँका भविष्यात FD वर मिळणारे व्याजदर कमी करतील. गेल्या वर्षभरातच आरबीआयने रेपो दरात अडीच टक्क्यांनी वाढ केली आहे.

रेपो दरात वाढ केल्यानंतर बँकांनी एफडी आणि इतर बचत योजनांवरील व्याज वाढवले ​​होते. मात्र, गेल्या काही महिन्यांत बँकांनी एफडीच्या दरात वाढ केलेली नाही. एवढेच नाही तर काही बँकांनी त्यांच्या ग्राहकांना एफडीवर दिले जाणारे व्याजदर कमी केले आहेत.

पंजाब नॅशनल बँकेने २ कोटींपेक्षा कमी एफडीवरील व्याजदरात बदल केला आहे. बँकेच्या वेबसाइटनुसार, नवीन दर १ जून २०२३ पासून लागू होणार आहेत.

बँकेने एक वर्षाच्या ठेवींवरील व्याजदर ६.८० टक्क्यांवरून ६.७५ टक्के केला आहे. अलीकडे, ६६६ दिवसांत संपणाऱ्या एफडीचे व्याज ७.२५ टक्क्यांवरून ७.०५ टक्के करण्यात आले आहे.

ज्येष्ठ नागरिकांसाठी, एक वर्षाचा FD व्याजदर ७.३० टक्क्यांवरून ७.२५ टक्के करण्यात आला आहे. त्याचप्रमाणे ६६६ दिवसांत मॅच्युअर होणाऱ्या एफडीवर ७.७५ टक्क्यांऐवजी ७.५५ टक्के व्याज मिळेल.

अॅक्सिस बँकेने निवडक एफडीवरील व्याजदरात २० बेसिस पॉइंट्सने कपात केली आहे. FD व्याजदर १८ मे २०२३ पासून प्रभावी आहेत.

बँकेच्या वेबसाइटवर दिलेल्या माहितीनुसार, बँक १ वर्ष ५ दिवसांपासून ते १३ महिन्यांपेक्षा कमी कालावधीच्या योजनांसाठी ७.१० टक्क्यांऐवजी ६.८० टक्के व्याज देत आहे. बँकेला १३ महिने ते २ वर्षांच्या एफडीवर ७.१५ टक्क्यांऐवजी ७.१० टक्के व्याज मिळत आहे.