PPF बनेल रिटर्न मशीन, १ रुपयाही खर्च केल्याशिवाय दरवर्षी कमवाल ₹२.८८ लाखांचं व्याज; पाहा कमाईचं सिक्रेट

PPF Investment Tips: जर तुम्हाला सांगितलं की तुम्ही पीपीएफवर एकही रुपया खर्च न करता दरवर्षी २.८८ लाख रुपये व्याजाने मिळवू शकता, तर तुम्ही कदाचित त्यावर विश्वास ठेवणार नाही. पण ही जादू नाही.

जर तुम्हाला सांगितलं की तुम्ही पीपीएफवर एकही रुपया खर्च न करता दरवर्षी २.८८ लाख रुपये व्याजाने मिळवू शकता, तर तुम्ही कदाचित त्यावर विश्वास ठेवणार नाही. पण ही जादू नाही; हे पीपीएफचं एक वैशिष्ट्य आहे जे फार कमी लोकांना माहितीये. लोक अनेकदा सार्वजनिक भविष्य निर्वाह निधीला फक्त एक बचत योजना मानतात, परंतु प्रत्यक्षात ते चक्रवाढ व्याजाचं एक पॉवरहाऊस आहे. चला पीपीएफचे काही महत्त्वाचे मुद्दे पाहूया आणि त्याला तुम्ही रिटर्नचं मशीन कसं बनवू शकता हे जाणून घेऊ.

सार्वजनिक भविष्य निर्वाह निधी (PPF) ही एक दीर्घकालीन बचत योजना आहे ज्यामध्ये तुम्ही दरवर्षी किमान ₹५०० आणि जास्तीत जास्त ₹१.५ लाख जमा करू शकता. सध्या त्यावर वार्षिक व्याजदर ७.१% आहे. ही योजना EEE श्रेणी अंतर्गत येते, जी तीन प्रकारची कर बचत देते आणि सरकारी हमीसह येते, ज्यामुळे ती लोकांच्या पोर्टफोलिओमध्ये सतत भर घालते.

जर तुम्ही १५ वर्षांसाठी पीपीएफमध्ये दरवर्षी १.५ लाख रुपये जमा केले तर तुमच्याकडे मॅच्युरिटीच्या वेळी अंदाजे ४०,६८,२०९ रुपये असतील. यापैकी १८,१८,२०९ रुपये फक्त व्याजाचे असतील. या कालावधीनंतर व्याज मिळण्यास सुरुवात होईल.

जर तुम्ही १५ वर्षांनंतर पैसे काढले नाहीत, तर तुमचं पीपीएफ खातं आपोआप "एक्सटेंशन विदाउट कॉन्ट्रिब्युशन" मोडमध्ये जातं. याचा अर्थ तुमचे पैसे खात्यातच राहतील आणि व्याज मिळत राहिल. या एक्सटेंशनसाठी नवीन अर्ज करण्याची आवश्यकता नाही. तुम्ही कधीही संपूर्ण रक्कम काढू शकता किंवा व्याज मिळविण्यासाठी ती जास्त काळ राहू देऊ शकता.

१५ वर्षांसाठी दरवर्षी ₹१.५ लाख जमा केल्यानंतर, ₹४०,६८,२०९ ची मॅच्युरिटी रक्कम तयार होईल. जर तुम्ही ही रक्कम तुमच्या खात्यात ठेवली तर तुम्हाला सध्याच्या व्याजदरानं वार्षिक व्याज मिळेल. ७.१% च्या सध्याच्या व्याजदरानं मोजले तर हे व्याज ₹२,८८,८४२ होईल. अशा प्रकारे, तुम्ही कोणत्याही योगदानाशिवाय दरवर्षी लाखो रुपये व्याज कमवू शकता. ही रक्कम जोपर्यंत ठेवीमध्ये राहील तोपर्यंत व्याज मिळत राहील.

तुमची इच्छा असल्यास, तुम्ही मुदतपूर्तीनंतर वार्षिक योगदान देणं सुरू ठेवू शकता. हे करण्यासाठी, मुदतपूर्ती तारखेपासून एक वर्षाच्या आत तुमच्या बँक किंवा पोस्ट ऑफिसमध्ये योगदानासह Extension With Contribution फॉर्म सादर करावा लागतो. यामुळे तुमचं खातं पाच वर्षांच्या ब्लॉकसाठी वाढेल. तुम्हाला पाच वर्षांच्या ब्लॉकमध्ये तुम्हाला पाहिजे तितक्या वेळा तुम्ही ते एक्स्टेंड करत राहू शकता.

पीपीएफमध्ये कोणताही धोका किंवा कराची चिंता नाही. पीपीएफमध्ये दीर्घकालीन गुंतवणूक केवळ सुरक्षितता प्रदान करत नाही तर कोणत्याही नवीन गुंतवणुकीशिवाय पॅसिव्ह इन्कमदेखील मिळवते. म्हणूनच प्रत्येक आर्थिक तज्ज्ञ तुमच्या पोर्टफोलिओमध्ये पीपीएफचा समावेश करण्याची शिफारस करतात.