२०० वरून पोहोचला ९०० वर! अजय देवगणकडेही आहेत १ लाख शेअर्स, पकडला रॉकेट स्पीड

panorama studios international share price: अभिनेता अजय देवगणची शेअर बाजारात मोठी गुंतवणूक आहे.

Ajay Devgan Portfolio Stock

पॅनोरमा स्टुडियोज इंटरनॅशनलचा स्टॉक शेअर बाजारात सध्या चर्चेत आहे. कंपनीचा हा शेअर शुक्रवारी २ टक्क्यांनी वाढून ९०२.१० रूपयांवर बंद झाला.

हा शेअर वाढण्यामागील प्रमुख कारण म्हणजे शैतान चित्रपट. पॅनोरमा स्टुडियोज इंटरनॅशनलमध्ये बनलेल्या शैतान चित्रपटाने प्रेक्षकांना भुरळ घातली. चित्रपटाने केवळ ८ दिवसांत ८९ कोटी रूपयांची कमाई केली.

पॅनोरमा स्टुडियोज इंटरनॅशनलमध्ये बॉलिवूड अभिनेता अजय देवगणची मोठी गुंतवणूक आहे. अलीकडेच त्याने कंपनीचे १ लाख शेअर खरेदी केले आहेत.

अजय देवगणने २७४ रूपयांच्या किंमतीत एक लाख शेअर खरेदी केले, ज्यांची एकूण किंमत २.७४ कोटी रूपये होती. ४ मार्च रोजी या गुंतवणूकीचे मूल्य तीन पटीने वाढले.

अजय देवगणने पॅनोरमा स्टुडिओ आणि त्याचे निर्माते कुमार मंगत पाठक यांनी निर्मित केलेल्या अनेक चित्रपटांमध्ये काम केले आहे, ज्यात 'दिल तो बच्चा है जी', रेड आणि दृश्यम यांचा समावेश आहे.

त्याने अलीकडेच हंबल मोशन पिक्चर्स आणि रिलायन्स इंडस्ट्रीज (JIO स्टुडिओ) सोबत कॅरी ऑन जेटिये, अरदास ३ आणि मंजे बिस्तरे ३ या तीन पंजाबी चित्रपटांसाठी सहयोग केला आहे.

दरम्यान, पॅनोरमा स्टुडिओने दृश्यम फ्रँचायझीच्या हॉलीवूड रिमेकसाठी गल्फस्ट्रीम पिक्चर्स आणि JOAT फिल्म्ससोबत हातमिळवणी केली आहे. येत्या तीन ते पाच वर्षांत १० देशांमध्ये 'दृश्यम'चे निर्माण करण्याचे चेअरमन पाठक यांचे लक्ष्य आहे.

निर्माता आणि टॅलेंट मॅनेजर या दोन्ही रूपात अजय देवगणसोबतचे त्यांचे जवळचे नाते असल्याचे अनेकदा दिसून आले आहे.

मागील सहा महिन्यात पॅनोरमा स्टुडियोज इंटरनॅशनलच्या शेअरने ३२५% परतावा दिला आहे. यावर्षी YTD मध्ये आतापर्यंत १५०% आणि वर्षभरात हा शेअर ८००% वधारला आहे. (टीप - यामध्ये केवळ शेअरच्या कामगिरीविषयी माहिती देण्यात आली आहे. हा गुंतवणूकीचा सल्ला नाही. कोणत्याही प्रकारची गुंतवणूक करण्यापूर्वी या क्षेत्रातील जाणकार किंवा तज्ज्ञांचा सल्ला घेणं आवश्यक आहे.)