Multibagger Share : बोनस शेअर्सनंतर १ लाखांचे झाले १.२३ कोटी, १४ रुपयांचा शेअर ३८३ पार; गुंतवणूकदार मालामाल
By ऑनलाइन लोकमत | Published: February 18, 2023 11:26 PM2023-02-18T23:26:21+5:302023-02-18T23:31:33+5:30
Multibagger Share : FMCG क्षेत्रातील दिग्गज कंपनीनं दीर्घकालीन गुंतवणूकदारांना मजबूत परतावा दिला आहे.
Multibagger Share : एफएमजीसी क्षेत्रातील दिग्गज आयटीसीने (ITC) दीर्घकालीन गुंतवणूकदारांना मजबूत परतावा दिला आहे. त्याच वेळी, कंपनीने वेळोवेळी आपल्या गुंतवणूकदारांना बोनस शेअर्स देखील दिले आहेत.
गेल्या 20 वर्षांत, कंपनीने तीन वेळा आपल्या गुंतवणूकदारांना बोनस शेअर्स दिले आहेत. ज्या गुंतवणूकदारांनी 20 वर्षांपूर्वी ₹ 1 लाखांची गुंतवणूक केली असेल त्यांच्या गुंतवणूकीचे मूल्य आज एकूण ₹ 1.23 कोटी झाले आहे.
BSE च्या अधिकृत वेबसाइट bseindia.com नुसार, कंपनीने 21 सप्टेंबर 2005 रोजी 1:2 च्या प्रमाणात बोनस शेअर जारी केले होते. म्हणजेच गुंतवणूकदारांना आयटीसीच्या दोन शेअर्ससाठी एक बोनस शेअर देण्यात आला. त्याचप्रमाणे, 3 ऑगस्ट 2010 रोजी, ITC ने 1:1 च्या प्रमाणात बोनस शेअर्स जारी केले. म्हणजेच कंपनीने एका शेअरच्या बदल्यात एक बोनस शेअर दिला. तर, ITC ने 1 जुलै 2016 रोजी 1:2 च्या प्रमाणात बोनस शेअर जारी केले होते. याचा अर्थ असा की कंपनीने दोन शेअर्ससाठी गुंतवणूकदारांना एक बोनस शेअर दिला होता.
जर एखाद्या गुंतवणूकदाराने 20 वर्षांपूर्वी ITC च्या शेअर्समध्ये 1 लाख रुपये गुंतवले असतील तर त्याला 14 रुपये प्रति शेअर देऊन 7,142 शेअर्स मिळाले असते. 2005 मध्ये 1:2 बोनस शेअर्स जारी केल्यानंतर, ITC शेअर्सची संख्या 10,713 वर गेली असती.
त्यानंतर, 2010 मध्ये 1:1 बोनस शेअर्स जारी केल्यानंतर, हे 21,426 शेअर्सपर्यंत वाढले असते. 1:2 बोनस शेअर्स जारी केल्यानंतर, शेअर्सची संख्या 32,139 शेअर्सपर्यंत वाढली असती. जर एखाद्या गुंतवणूकदाराने 20 वर्षांपूर्वी ITC मध्ये ₹1 लाखाची गुंतवणूक केली असेल, तर त्याचा नफा ₹1.23 कोटी (₹383.80 x 32,139) झाला असता.
बोनस व्यतिरिक्त, ITC ने 2007 पासून गुंतवणूकदारांना डिव्हिडंट देखील दिला आहे. कंपनी 15 फेब्रुवारी 2023 रोजी प्रति इक्विटी शेअर ₹6 च्या अंतरिम डिव्हिडंटवर ट्रेड केलं. त्याच वेळी, 2022 मध्ये, ITC शेअर्सनी फेब्रुवारी आणि मेमध्ये एक्स-डिव्हिडंडचा व्यवहार केला.
तर 2021 मध्ये, ITC शेअर्सनी फेब्रुवारी आणि जून महिन्यात एक्स-डिव्हिडंडचा व्यवहार केला. 6 जुलै 2020 रोजी कंपनीच्या समभागांनी तिच्या पात्र भागधारकांना प्रति शेअर ₹10.15 प्रमाणे एक्स-डिव्हिडंड दिला.