शेअर बाजाराचा धोका नको, पण परतावा बंपर हवा? मग 'या' ५ योजना आहेत बेस्ट, कमी जोखीमीत दुप्पट पैसे

Investments Tips : जर तुम्ही तुमच्या पैशांना सुरक्षित ठेवून चांगला परतावा मिळवू इच्छिता, तर कमी जोखीम असलेल्या आणि विश्वासार्ह गुंतवणूक पर्यायांची निवड करणे महत्त्वाचे आहे.

शेअर बाजारात सर्वाधिक परतावा मिळत असला तरी पैसे बुडण्याचा जोखीमही अधिक आहे, तर दुसरीकडे अशा काही योजना आहेत, ज्यात निश्चित परतावा, सरकारी सुरक्षा आणि कर लाभ यांसारख्या सुविधा मिळतात. चला जाणून घेऊया अशा ५ कमी जोखीम असलेल्या गुंतवणूक योजनांबद्दल, ज्याकडे अनेकदा दुर्लक्ष केले जाते.

बँकांची फिक्स्ड डिपॉझिट योजना आजही सर्वात सुरक्षित गुंतवणूक पर्यायांपैकी एक मानली जाते. यात तुमचे पैसे एका निश्चित कालावधीसाठी जमा राहतात आणि त्यावर निश्चित दराने व्याज मिळते. काही ५ वर्षांच्या कर बचत FD योजना आयकरच्या कलम ८०सी अंतर्गत १.५ लाखांपर्यंत कर सवलत देतात. याचा मुख्य लाभ म्हणजे, निश्चित परतावा, आंशिक पैसे काढण्याची आणि कर्जाची सुविधा.

जीवन विमा योजना गुंतवणुकीसोबतच तुमच्या आणि तुमच्या कुटुंबाच्या आर्थिक सुरक्षेची हमी देतात. पॉलिसीच्या मुदतीनंतर तुम्हाला मुदतपूर्तीची रक्कम मिळते आणि दुर्दैवाने मृत्यू झाल्यास कुटुंबाला लाइफ कव्हरचा लाभ मिळतो. याशिवाय, तुम्ही आयकरच्या कलम ८०सी अंतर्गत कर सवलतही मिळवू शकता.

भारत सरकारची ही एक लोकप्रिय योजना आहे. पब्लिक प्रॉव्हिडंट फंडमध्ये तुम्ही वर्षाला ५०० रुपयांपासून १.५ लाखांपर्यंत गुंतवणूक करू शकता. पीपीएफमध्ये मिळणारे व्याज आणि मुदतपूर्तीची रक्कम पूर्णपणे करमुक्त असते. सध्या यावर ७.१% व्याज मिळत आहे. योजनेची १५ वर्षांची लॉक-इन मुदत आहे, पण ७ व्या वर्षापासून आंशिक पैसे काढण्याची सुविधाही दिली जाते.

सोन्यात गुंतवणूक करणे (मग ते सोन्याचे दागिने असो, सॉवरेन गोल्ड बॉन्ड असो किंवा गोल्ड ईटीएफ असो) शतकानुशतके सुरक्षित मानले गेले आहे. सोने केवळ तुमची संपत्ती वाढवत नाही, तर महागाईच्या जोखमीपासून संरक्षण करण्यासही मदत करते. त्याच्या किमती सामान्यतः स्थिर राहतात, ज्यामुळे तुमच्या भांडवलाची सुरक्षा सुनिश्चित होते.

जर तुम्हाला नियमित बचतीची सवय लावायची असेल, तर रिकरिंग डिपॉझिट (RD) हा एक उत्तम पर्याय आहे. यात तुम्ही दर महिन्याला एक निश्चित रक्कम जमा करता आणि त्यावर एफडीसारखेच व्याज मिळते. ही योजना बाजाराशी जोडलेली नसते, त्यामुळे यात जोखीम जवळजवळ शून्य असते. मुलांच्या शिक्षणासारख्या निश्चित ध्येयासाठी हळूहळू फंड तयार करण्यासाठी आरडी एक चांगला मार्ग आहे.