Bank Accounts : तुमचे एकापेक्षा जास्त बँकांमध्ये अकाउंट असेल तर सावधान! पैशांच्या कपातीसह होईल मोठे नुकसान
By ऑनलाइन लोकमत | Published: December 8, 2021 05:47 PM2021-12-08T17:47:02+5:302021-12-08T17:57:59+5:30
Multiple bank accounts : कर आणि गुंतवणूक तज्ज्ञ देखील एकच अकाउंट ठेवण्याची शिफारस करतात आणि म्हणतात की एकच बँक अकाउंट असल्याने रिटर्न फाइस करण्यास सोपे होते.
नवी दिल्ली : तुमचे एकापेक्षा जास्त बँक अकाउंट्स असतील तर ही बातमी नक्की वाचा. अनेक बँक अकाउंट्समुळे तुमचे आर्थिक नुकसान तसेच इतर अनेक नुकसान होऊ शकते. कर आणि गुंतवणूक तज्ज्ञ देखील एकच अकाउंट ठेवण्याची शिफारस करतात आणि म्हणतात की एकच बँक अकाउंट असल्याने रिटर्न फाइस करण्यास सोपे होते.
काय आहेत तोटे?
अनेक बँकांमध्ये अकाउंट सुरू ठेवल्यास, पहिला तोटा होतो तो देखभाल शुल्काचा. दरम्यान, प्रत्येक बँकेचे स्वतःचे स्वतंत्र देखभाल शुल्क, डेबिट कार्ड शुल्क, एसएमएस शुल्क, सेवा शुल्क, किमान शिल्लक शुल्क आहे. म्हणजेच तुमची जितक्या बँकांमध्ये खाती आहेत, त्यासाठी तुम्हाला वेगवेगळे शुल्क भरावे लागेल. तसेच मिनिमम शिल्लक न ठेवल्यास बँका त्याऐवजी जास्त शुल्क आकारतात.
सिंगल बँक अकाउंटमध्ये रिटर्न भरणे सोपे
कर तज्ज्ञांच्या मते, तुमचे एकच बँक अकाउंट असल्यास रिटर्न भरणे सोपे आहे. कारण तुमच्या कमाईची संपूर्ण माहिती एकाच खात्यात उपलब्ध असते. वेगवेगळी बँक खाती असल्याने हे कॅलक्युलेशन अवघड आणि मोठी होते. अशा परिस्थितीत कर विभाग तुम्हाला नोटीस बजावू शकते. अशा समस्या सोडवण्यासाठी अर्थमंत्री निर्मला सितारन यांनी या अर्थसंकल्पात नवीन प्रणालीची घोषणा केली होती.
हिशेब करदात्यांना द्यावा लागेल
या नवीन नियमांतर्गत पगाराच्या उत्पन्नाव्यतिरिक्त इतर स्त्रोतांकडून मिळणाऱ्या उत्पन्नाची माहिती, जसे की लाभांश उत्पन्न, भांडवली नफ्याचे उत्पन्न, बँक ठेवीवरील व्याजाचे उत्पन्न, पोस्ट ऑफिसवरील व्याज उत्पन्नाची माहिती आधीच भरली जाईल. आतापर्यंत करदात्यांना त्याची स्वतंत्र गणना करावी लागत होती. हे अनेकदा विसरल्याने त्याला त्रास व्हायचा. आता ही सर्व माहिती आधीच भरून येईल. ही माहिती पॅनकार्डच्या मदतीने मिळणार आहे.
अकाउंट होईल निष्क्रिय
बचत खात्यात किंवा चालू खात्यात वर्षभर कोणताही व्यवहार न केल्यास ते निष्क्रिय बँक अकाउंटमध्ये (Inactive Bank Account) बदलते. दोन वर्षांपर्यंत कोणताही व्यवहार न झाल्यास, ते Dormant Account या Inoperative मध्ये रूपांतरित होते.
अशा बँक अकाउंटमुळे फसवणूक होण्याची शक्यता वाढते. बँकर्सचे म्हणणे आहे की, या सक्रिय अकाउंट्समुळे अंतर्गत आणि बाह्य फसवणूक होण्याची शक्यता सर्वाधिक आहे. अशा परिस्थितीत, त्याचा तपशील एका स्वतंत्र लेजरमध्ये ठेवला जातो.
खाजगी बँकांचे जास्त शुल्क
खाजगी बँकांचे किमान शिल्लक शुल्क खूप जास्त आहे. उदाहरणार्थ, HDFC बँकेची किमान शिल्लक 10 हजार रुपये आहे. ग्रामीण भागासाठी ते 5000 रुपये आहे. ही शिल्लक न ठेवल्यास एक चतुर्थांश दंड 750 रुपये आहे. इतर खाजगी बँकांसाठीही असेच शुल्क लागू आहे. जर तुम्ही चुकून किमान शिल्लक राखली नाही, तर तुम्हाला दरमहा शेकडो रुपये विनाकारण द्यावे लागू शकतात. याचा तुमच्या सिबिल स्कोअरवरही परिणाम होतो.
हजारो रुपयांचे नुकसान
तुमची अनेक बँक अकाउंट्स असल्यास, किमान शिल्लक राखण्यासाठी दरमहा हजारो रुपये खर्च करावे लागतील. याचा तुमच्या गुंतवणुकीवर परिणाम होतो. ज्या पैशावर तुम्हाला किमान 7-8 टक्के परतावा मिळायला हवा, तो पैसा तुमची किमान शिल्लक म्हणून ठेवला जाईल. हे पैसे योग्य ठिकाणी गुंतवल्यास 7-8 टक्क्यांपर्यंत परतावा सहज मिळू शकतो.