Adani Group: अदानी समुहाने गुंतवणूकदारांना दिली खुशखबर! 2 कंपन्यांन्यांच्या शेअरने पेटीएमला दिला धक्का

अमेरिकन फर्म हिंडेनबर्ग रिसर्चच्या अहवालानंतर अदानी समुहाच्या शेअरमध्ये मोठी घसरण झाली.

आता अडचणींचा सामना करणाऱ्या गौतम अदानी समूहाच्या 2 कंपन्यांना आनंदाची बातमी मिळाली आहे. नॅशनल स्टॉक एक्सचेंज NSE ने निफ्टीच्या काही निर्देशांकांमध्ये अदानी विल्मर आणि अदानी पॉवर या दोन समूह कंपन्यांचा समावेश केला आहे.

नॅशनल स्टॉक एक्सचेंजच्या स्टेटमेंटनुसार, अदानी विल्मरला निफ्टी नेक्स्ट 50 आणि निफ्टी 100 इंडेक्समध्ये स्थान मिळाले आहे.

तर, अदानी पॉवरला निफ्टी 500, निफ्टी 200, निफ्टी मिडकॅप 100, निफ्टी मिडकॅप 150, निफ्टी लार्ज मिडकॅप 250 आणि निफ्टी मिडस्मॉलकॅप 400 निर्देशांकांमध्ये प्रवेश मिळाला आहे.

निर्देशांकातील सर्व बदल 31 मार्चपासून प्रभावी होतील. मात्र, नॅशनल स्टॉक एक्स्चेंजने आपला निफ्टी 50 निर्देशांक कायम ठेवला.

अदानी विल्मर व्यतिरिक्त, निफ्टी नेक्स्ट 50 निर्देशांकात समाविष्ट होणार्‍या इतर कंपन्या ABB इंडिया, कॅनरा बँक, पेज इंडस्ट्रीज आहेत.

आता बंधन बँक, बायोकॉन, ग्लँड फार्मा, एमफेसिस आणि पेटीएमची मूळ कंपनी वन 97 कम्युनिकेशन्स निफ्टी नेक्स्ट 50 इंडेक्समधून वगळण्यात येतील.

अलीकडे, जागतिक निर्देशांक MSCI ने अदानी समूहाच्या दोन कंपन्यांचे - अदानी टोटल गॅस आणि अदानी ट्रान्समिशन - यांचे भारनियमन कमी करण्याच्या अंमलबजावणीला त्याच्या निर्देशांकांमध्ये किंमत कॅप यंत्रणेच्या संभाव्य परिणामाचे कारण पुढे ढकलले आहे. भारनियमनातील बदल या महिन्यात लागू होणार होता, पण आता तो मेपर्यंत पुढे ढकलण्यात आला आहे.