FD-RD विसरुन जाल, LIC ची ही स्कीम आहे जबरदस्त, मुलीच्या लग्नासाठी मिळेल २७ लाखांची रक्कम

LIC Investment Scheme: आजकाल बहुतांश लोक गुंतवणूकीकडे वळू लागलेत. भविष्याच्या दृष्टीनं गुंतवणूक ही महत्त्वाची आहे. एलआयसीदेखील गुंतवणूकीसाठी निरनिराळे प्लान्स आणत असते. एलआयसीनं मुलींच्या उज्ज्वल भविष्याच्या दृष्टीनं एक उत्तम प्लान आणला आहे.

एलआयसी कन्यादान पॉलिसी ही त्यांच्या मुलींच्या उज्ज्वल भविष्यासाठी सुरक्षित गुंतवणूक करू इच्छिणाऱ्यांसाठी सर्वोत्तम पर्याय आहे. या एलआयसी पॉलिसीची खासियत अशी आहे की लहान रकमेची बचत करून मोठा निधी तयार करता येतो, जो मुलीच्या शिक्षणापासून लग्नापर्यंतच्या प्रत्येक गरजेसाठी उपयुक्त ठरेल. मुलींसाठी खास बनवलेल्या या योजनेत गुंतवणूकदाराला विमा संरक्षण आणि बचत दोन्हीचे फायदे मिळतात, ज्यामुळे भविष्य आर्थिकदृष्ट्या सुरक्षित करता येतं.

एलआयसी कन्यादान पॉलिसी, ज्याला जीवन लक्ष्य म्हणूनही ओळखले जाते, ती विशेषतः मुलींच्या भविष्याच्या दृष्टीनं तयार केली आहे. या पॉलिसी अंतर्गत लहान बचतीतून मोठा निधी उभारता येतो, जो त्यांच्या शिक्षण आणि लग्नासाठी निधी उभारण्यास मदत करतो. सर्वात महत्त्वाचे वैशिष्ट्य म्हणजे जर पॉलिसीच्या मुदतीदरम्यान वडिलांचा मृत्यू झाला तर उर्वरित प्रीमियम भरण्याची जबाबदारी एलआयसी घेते आणि कुटुंबाला ₹१० लाखांपर्यंतची तात्काळ आर्थिक मदत मिळू शकते.

एलआयसी कन्यादान पॉलिसीमध्ये गुंतवणूक करणं अत्यंत सोपं आहे. दररोज फक्त ₹१२१ बचत करून, तुम्ही दरमहा अंदाजे ₹३,६०० गुंतवून तुमच्या मुलीसाठी एक मोठा निधी निर्माण करू शकता. या योजनेचा मॅच्युरिटी कालावधी १३ ते २५ वर्षांपर्यंत आहे आणि २५ वर्षांनंतर, तुम्हाला अंदाजे ₹२७ लाख इतकी एकरकमी रक्कम मिळू शकते. सर्वात महत्त्वाचं म्हणजे, तुम्ही तुमच्या सोयीनुसार गुंतवणूक रक्कम वाढवू किंवा कमी करू शकता आणि त्यानुसार मिळणारी रक्कम बदलेल.

यामध्ये तुम्हाला फक्त २२ वर्षे रक्कम जमा करावी लागेल, त्यानंतर पुढची ३ वर्षे म्हणजे २५ वर्षापर्यंत कोणतीही रक्कम जमा करावी लागणार नाही. तर अशा परिस्थितीत, जरा विचार करा, दररोज फक्त ₹१२१ बचत करून आणि दरमहा सुमारे ₹३६०० गुंतवून, तुम्ही तुमच्या मुलीला तिच्या २५ व्या वाढदिवशी सुमारे ₹२७ लाखांची भेट सहजपणे देऊ शकता. या पैशातून तुमची मुलगी पुढील शिक्षण घेऊ शकते किंवा तिची स्वप्नं पूर्ण करू शकते.

एलआयसी कन्यादान पॉलिसी केवळ मुलीचे भविष्य सुरक्षित करत नाही तर कर बचत देखील देते. हे आयकर कायदा, १९६१ च्या कलम ८०सी अंतर्गत समाविष्ट आहे, ज्यामुळे गुंतवणूकदारांना ₹१.५ लाखांपर्यंतच्या कर कपातीचा दावा करता येतो. या पॉलिसीसाठी पात्र होण्यासाठी मुलगी किमान १ वर्षाची असणे आवश्यक आहे.

आधार कार्ड, उत्पन्न प्रमाणपत्र, निवासी पुरावा, पासपोर्ट आकाराचा फोटो आणि मुलीचा जन्म प्रमाणपत्र यासारखी कागदपत्रे आवश्यक आहेत. (टीप: हा लेख केवळ माहितीच्या उद्देशानं देण्यात आलेला आहे. हा गुंतवणूकीचा सल्ला नाही. कोणत्याही प्रकारची गुंतवणूक करण्यापूर्वी या क्षेत्रातील जाणकार किंवा तज्ज्ञांचा सल्ला घेणं आवश्यक आहे.)