सुरू आर्थिक वर्षाच्या पहिल्या तिमाहित D-Mart ला दुपटीपेक्षाही अधिक नफा

एव्हेन्यू सुपरमार्ट्स लिमिटेडकडून देण्यात आली माहिती. चालू आर्थिक वर्षात झाला दुपटीपेक्षाही अधिक नफा.

रिटेल सीरिज डीमार्टचं (D-Mart) संचालन करणारी कंपनी एव्हेन्यू सुपरमार्ट्स लिमिटेडनं शनिवारी सुरू आर्थिक वर्षात जून तिमाहीत एकूण निव्वळ नफा दुपटीपेक्षाही अधिक झाल्याची माहिती दिली.

गेल्या आर्थिक वर्षात पहिल्या तिमाहीच्या तुलनेत यावर्षी पहिल्या तिमाहित कंपनीला ९५.३६ कोटी रूपयांचा नफा झाला.

गेल्या वर्षी या आर्थिक वर्षात कंपनीला ४०.०८ कोटी रूपयांचा नफा झाला होता. त्यावेळी देशात कोरोना महासाथीच्या पार्श्वभूमीवर बाजारात कडक लॉकडाऊन लागू करण्यात आला होता.

एव्हेन्यू सुपरमार्ट्सनं मुंबई शेअर बाजाराला दिलेल्या माहितीनुसार एप्रिल ते जून २०२१-२२ या तिमाहीत कंपनीचे ऑपरेटिंग उत्पन्न ५,१८३.१२ कोटी रुपये होते. तर मागील आर्थिक वर्षातील याच तिमाहीत ३,८८३.१८ कोटी रुपये होते.

कंपनीचा एकूण खर्च यादरम्यान ५,०७७.२२ कोटी रूपये इतका होता. जे एप्रिल-जून २०२०-२१ या तिमाहीमध्ये ३,८७५.१० कोटी रूपये होता.

एकल आधारावर कंपनीचं ऑपरेटिंग उत्पन्न जून तिमाहीदरम्यान ५,०३१.७५ कोटी रूपये होतं. जे या पूर्वीच्या आर्थित वर्षाच्या या तिमाहीत ३,८३३.२३ कोटी रूपये होते.

चालू आर्थिक वर्षाच्या पहिल्या तिमाहीत उत्पन्न ३१ टक्के वाढलं आहे. या दरम्यान निरनिराळ्या ठिकाणी लॉकडाऊनचा कालावधी निरनिराळा होता, असं कंपनीनं म्हटलं आहे.