अचानक बँक खात्यात आले भरपूर पैसे तर चुकूनही करू नका 'हे' काम, अन्यथा...

bank rules : चुकीच्या खात्यात पैसे ट्रान्सफर होण्याची अनेक कारणे असू शकतात. काही वेळा बँकेच्या चुकीमुळे असे घडते.

बँकांमध्ये अशी अनेक प्रकरणे समोर आली आहेत, जेव्हा अचानक एखाद्या ग्राहकाच्या खात्यात खूप पैसे आले. ग्राहकाला या पैशाचा स्रोतही माहिती नाही. अशा परिस्थितीत तुमची प्रतिक्रिया काय असेल? बरेच लोक अशा प्रकारे खरेदीची यादी बनवू शकतात, परंतु असे करणे पूर्णपणे चुकीचे आहे. असे करणे टाळावे.

जर अचानक तुमच्या खात्यात जास्त पैसे आले आणि ते तुमचे नसेल तर अशा परिस्थितीत तुम्हाला काही पावले उचलण्याची गरज आहे. तर अशा परिस्थितीत तुम्ही काय करू शकता, याबाबत जाणून घेऊया.

जर तुम्हाला अचानक खूप पैसे मिळाले असतील तर सर्वप्रथम तुम्ही बँकेला कळवावे. जर तुम्ही या रकमेबद्दल न सांगण्याचा विचार करत असाल तर ती मोठी चूक आहे. आज नाही तर उद्या, बँक हे पैसे शोधून काढेल. यामुळे तुम्ही मोठ्या संकटात सापडू शकता. म्हणून, सर्वप्रथम, तुम्ही याविषयीची सर्व माहिती बँकेला द्यावी आणि त्यानंतर बँक त्यांच्या हक्काच्या मालकाकडे पैसे ट्रान्सफर करेल.

विचार न करता चुकून खात्यात आलेले पैसे खर्च करण्यापूर्वी दहा वेळा विचार करा. या चुकीची तुम्हाला मोठी किंमत मोजावी लागू शकते. त्यामुळे हे करू नका. नंतर सत्य कळल्यावर तुम्हाला ते सर्व पैसे परत करावे लागतील.

पहिल्यांदा अज्ञात खात्यातून पैसे कसे सरेंडर करायचे ते शोधा. यासाठी तुम्ही पाठवलेल्या पैशांचा खाते क्रमांक किंवा UPI आयडी तपासू शकता. ते परिचित खाते असल्यास, त्या व्यक्तीने तुमच्या खात्यात का ट्रान्सफर केले, ते शोधा. यानंतरही समजले नाही तर बँकेशी संपर्क साधा.

चुकीच्या खात्यात पैसे ट्रान्सफर होण्याची अनेक कारणे असू शकतात. काही वेळा बँकेच्या चुकीमुळे असे घडते. चुकीचा खाते क्रमांक दिल्याने पैसे चुकीच्या खात्यात जातात. चुकीच्या खात्यात पैसे ट्रान्सफर करण्याचे एक कारण म्हणजे गुन्हेगारीचे प्रकरण (Fraud Cases).

फसवणूक करणारे एका खात्यातून पैसे हॅक करून दुसऱ्या खात्यात ट्रान्सफर करतात. यामुळे फसवणूक करणारे पकडले जाण्याचा धोका कमी होतो. त्यामुळे असे घडल्यास बँकेला तत्काळ कळवावे.