Guru Margi 2025: गुरु शुक्र उच्च स्थानी झाले विराजमान; 'या' राशींना ४ महिने राजयोगाचे वरदान!

Guru Margi Gochar 2025: 'राजयोग' हा शब्द वाचला तरी डोळ्यासमोर सगळा राजेशाही थाट माट दिसू लागतो. तसे असले तरी लगेच मऊ गादीवर लोळून द्राक्षांचे गड रिचवण्याचे स्वप्न पाहू नका. नशीब कितीही बलवत्तर असले तरी त्याला प्रयत्नांची जोड लागतेच! येणारा काळ प्रयत्नांना योग्य दिशा देणारा आहे, यशप्राप्तीचा आहे, ध्येय गाठण्याचा आहे. ग्रहांचा शुभ परिणाम लाभून राजासारखी श्रीमंती उपभोगण्याचा आहे.

४ फेब्रुवारी रोजी गुरू (Guru Margi Gochar 2025) वृषभ राशीत प्रवेश करणार आहे. त्यामुळे गुरू आणि शुक्राच्या युतीमुळे राजयोग तयार होत आहे. वास्तविक, यावेळी गुरु आणि शुक्र हे दोन्ही ग्रह एकमेकांच्या राशीमध्ये स्थित आहेत. तरीदेखील या स्थित्यंतराचा लाभ होऊन पाच राशींना पुढील चार महिने राजयोग अनुभवता येणार आहे. ज्यामुळे धन-धान्य, संपत्ती, संतती सुखाचा लाभ होणार आहे.

कुंडलीत गुरुस्थान उच्च असेल तर कोणत्याही क्षेत्रात यश मिळवताना अडचणी येत नाहीत आणि आल्या तरी त्यांना सामोरे जाण्याचे पाठबळ गुरु ग्रहामुळे मिळते. त्यालाच गुरुबळ म्हणतात. तर शुक्र हा सौंदर्य, संपत्ती, संतती अर्थात भौतिक सुख देणारा असल्यामुळे गुरु आणि शुक्राचे स्थलांतर पुढील राशींसाठी पथ्यावर पडणार आहे. हे भाग्य कोणाला लाभणार ते पाहू.

वृषभ :

वृषभ राशीचा स्वामी शुक्र आहे आणि सध्या बृहस्पति वृषभ राशीत उच्च स्थानात भ्रमण करत आहे. अशा स्थितीत गुरूचा प्रवेश तुम्हाला खूप लाभ देईल. तुमच्या करिअरमध्ये जे काही अडथळे दीर्घकाळापासून होते, ते या आठवड्यापासून दूर होण्यास सुरुवात होईल. तसेच या काळात आपल्या कौटुंबिक जीवनातही अनेक चांगले बदल होतील. पूर्वी रिलेशनशिपमध्ये चाललेल्या सर्व समस्या आता संपुष्टात येतील. तसेच गुरू आणि शुक्र यांच्या युतीमुळे तुमच्या सुख-सुविधांमध्ये वाढ होईल. तुमची अनेक अपूर्ण कामे या काळात पूर्ण होताना दिसतील.

कन्या :

कन्या राशीच्या लोकांसाठी बृहस्पतिची चाल बदल घडवून आणेल. तुम्हाला तुमच्या जीवनात अनुकूल बदल दिसतील. तुम्ही तुमच्या आयुष्यात मोठे यश देखील मिळवू शकाल. उत्पन्नाबद्दल बोलायचे झाले तर तुमचे उत्पन्न लक्षणीय वाढणार आहे. आपण या काळात तुम्ही चांगली बचत करण्यात यशस्वी व्हाल. या काळात तुम्हाला नफा मिळविण्याच्या अनेक चांगल्या संधी मिळतील. एकूणच, हा काळ आनंददायी असेल.

वृश्चिक :

वृश्चिक राशीच्या लोकांना गुरूच्या सकारात्मक हालचालीमुळे सर्वांगीण लाभ होणार आहेत. तुम्ही तुमच्या करिअरसाठी जे काही कष्ट करत आहात, त्याचे फळ आता तुम्हाला मिळू लागेल. शुक्र आणि गुरूच्या प्रभावामुळे तुम्हाला तुमच्या करिअरमध्ये उत्तम यश मिळेल. तसेच या काळात तुम्ही तुमच्या जोडीदाराच्या मदतीने तुम्ही खूप मोठी रक्कम कमवू शकता. या काळात तुम्हाला काही मोठे यशही मिळेल. व्यावसायिकांना परदेशातूनही चांगला आर्थिक फायदा होऊ शकतो.

मकर :

गुरूच्या स्थलांतरामुळे मकर राशीच्या लोकांना त्यांच्या वडिलोपार्जित संपत्तीचा चांगला फायदा होईल. याशिवाय तुमचे उत्पन्नही अचानक वाढेल. आर्थिक आयुष्याबद्दल बोलायचे झाले तर या काळात तुमचे खर्चही कमी होतील. तुमच्या प्रेम जीवनातही स्थिरता येईल. ज्या लोकांना त्यांचे नाते पुढे न्यायचे आहे, त्यांच्यासाठी हा काळ सकारात्मक असणार आहे. या काळात तुम्ही आनंदी, समाधानी राहाल आणि तुमचे आरोग्यही सुधारेल.

मीन :

मीन राशीचा स्वामी बृहस्पति आहे आणि या काळात शुक्र उच्च आहे. अशा परिस्थितीत,तुम्हाला अनेक प्रकारच्या अडचणीतून मार्ग सापडेल. जे व्यवसाय करतात त्यांना चांगले पैसे मिळण्याची शक्यता आहे. उत्पन्नात अचानक वाढ बघायला मिळेल. चांगल्या उत्पन्नामुळे आर्थिक समस्यांना तोंड द्यावे लागणार नाही. या काळात तुमचा जोडीदार तुम्हाला प्रत्येक पावलावर साथ देईल. तुमचे आरोग्य पूर्वीपेक्षा अधिक निरोगी राहील.