जुलै २०२५ वर खिळून आहेत इतिहास, खगोलशास्त्र आणि ज्योतिषशास्त्राच्या नजरा; पण का?

1 / 9

जुलै २०२५... इतिहास, खगोलशास्त्र आणि भविष्यवाणी एकत्रितपणे ज्याकडे निर्देश करत आहेत तो महिना. बाबा वेंगाने दशकांपूर्वी जे भाकीत केले होते ते आता प्रत्यक्षात घडताना दिसत आहे.

2 / 9

जेव्हा शनि प्रतिगामी होतो, गुरुचा अस्त होतो आणि युद्धाचे सावट घोंगावत असते, तेव्हा विनाशाकडे वाटचाल सुरु होते असे म्हणतात. ऑपरेशन सिंदूर नंतर युद्धजन्य स्थितीला स्थगिती मिळालेली असली तरी युद्धाचे सावट पूर्णपणे दूर झालेले नाही. हा काळ येणार आणि जगभरात मन हेलावून टाकणाऱ्या घटना घडणार याबाबत देशा-परदेशातील ज्योतिषांनीं आधीच भाकीत वर्तवले होते.

3 / 9

जुलै २०२५ ही केवळ भविष्यातील तारीख नाही, तर एक इशारा आहे. जेव्हा ग्रहांच्या हालचाली, बाबा वांगाची भविष्यवाणी आणि जागतिक घटना एकाच दिशेने निर्देश करत आहेत, तेव्हा तो निव्वळ योगायोग असू शकत नाही. आपण इतिहासाची पुनरावृत्ती होताना पाहणार आहोत का?

4 / 9

बाबा वेंगा हे एक अंध ज्योतिषी होते पण ज्यांना भविष्य पाहण्याची दैवी दृष्टी होती. त्यांनी त्यांच्या आयुष्यात ९/११ च्या हल्ल्यापासून ते रशिया-युक्रेन युद्धापर्यंत अनेक मोठ्या घटनांचे भाकीत केले होते. त्यातच त्यांनी २०२५ बद्दल इशारा देखील दिला आहे.

5 / 9

बाबा वेंगा यांच्या भविष्यवाणीनुसार २०२५ मध्ये, युरोप जवळजवळ निर्जन होईल. जे पूर्वकर्माने वाचले ते स्थलांतरित होतील. ही भविष्यवाणी वाचून अशक्य वाटू शकते, पण दुर्दैवाने जागतिक घडामोडी पाहता ती खरी ठरण्याची चिन्ह दिसू लागली आहेत.

6 / 9

२०२५ मधल्या सहा महिन्यात राष्ट्रीय आणि अनंतरराष्ट्रीय पातळीवर असंख्य घडामोडी घडल्या, ज्यामुळे अशांतता, अस्थिरता निर्माण झाली. देशात, राज्यात, जे घातपाताचे सत्र सुरु आहे, ते पाहता कलियुगाची तीव्र जाणीव होऊ लागली आहे. अशातच ग्रहस्थिती प्रतिकूल होत असल्यामुळे पुढील काळ आणखी काय दाखवणार याबाबत मन साशंक होणे स्वाभाविक आहे.

7 / 9

गुरू ग्रहण (९ जून-७ जुलै २०२५) जेव्हा गुरू मिथुन राशीत मावळतो तेव्हा धोरण, धर्म, ज्ञान आणि नेतृत्व कमकुवत होते. गुरूअस्ताच्या अवस्थेत समाज दिशाहीन होतो. शनि वक्री (१३ जुलै-३० नोव्हेंबर २०२५) शनि मीन राशीत वक्री होईल, ज्यामुळे न्याय आणि शिस्तीत गुंतागुंत निर्माण होते. हा काळ व्यवस्था, शक्ती आणि न्यायात अडथळा दर्शवितो. गुरू अतिचर - गुरू मिथुन राशीत 'अतिचर गती' मध्ये आहे. त्यामुळे निर्णयांमध्ये गोंधळ आणि धोरणात अस्थिरता आहे. तसेच, मंगळाची दृष्टी मिथुन राशीवर देखील असेल, जी युद्धाचा कारक असल्याचे दिसते.

8 / 9

जेव्हा ग्रहांचे स्थान अनुचित असते, तेव्हा युद्धाची शक्यता वाढते. शनि आणि गुरूच्या अशा स्थित्यंतरामुळे युद्ध, धोरणांमध्ये बिघाड आणि युद्धाच्या संकटाचा स्पष्ट उल्लेख आहे. जर गुरू अस्त झाला तर नीतिमत्ता आणि नैतिकतेचा ऱ्हास होतो आणि युद्धाची शक्यता दाट होते. गुरु अस्ताच्या दृष्टीने ९ जून ते ७ जुलै हा काळ असणार आहे. त्याबरोबरच शनि वक्री आहे तेव्हा युद्धाचे परिणाम भयानक होऊ शकतात. सत्ता आणि न्याय संकटात असतात. १३ जुलैपासून शनि वक्री होईल आणि मीन राशीत गोचर होईल. शनि आणि गुरूच्या आक्रमक स्थितीमुळे महाभारतासारखे युद्ध होऊ शकते असे म्हटले आहे. जेव्हा दोन्ही ग्रह एकत्र हिंसक स्थितीत असतात, एक वक्री असतो आणि दुसरा अस्त होत असतो, तेव्हा युद्ध आणि शक्ती परिवर्तनाचे संकेत अधिक बलवान होतात.

9 / 9

अजूनपर्यंत रशिया-युक्रेन युद्ध थांबलेले नाही. इराण-इस्रायल तणाव शिगेला पोहोचला आहे. चीन-तैवान गतिरोध वाढत आहे. नाटोमधील मतभेद, भारत-चीन एलएसी क्रियाकलाप, या परिस्थितीत, शनि-प्रतिगामी आणि गुरू-अस्ताचा खगोलीय संगम जागतिक संकटाचा इशारा देतआहे. जुलै २०२५ मध्ये, गुरु ग्रहावरील मंगळाची बाजू आक्रमकता आणि युद्धाची शक्यता निर्माण करू शकते.