जीएसटीतील बदलानंतर स्कूटर आणि बाईकच्या किंमती १८ हजारांपर्यंत झाल्या कमी!

Suzuki Bikes and scooters Rates: वस्तू आणि सेवा करमधील बदलांमुळे अनेक वाहनांच्या किंमतीत मोठा बदल झाल्याचे पाहायला मिळत आहे.

वस्तू आणि सेवा करमधील बदलांमुळे, वाहन निर्माता सातत्याने आपल्या वाहनाच्या किमती कमी करत आहेत.

सुझुकीच्या स्पोर्टी स्कूटर एव्होनिसची किंमत ७ हजार ८२३ ने कमी करण्यात आली. या स्कूटरची मूळक किंमत ९४ हजार होती. मात्र, आता ही स्कूटर ८६ हजार १७७ रुपयांत उपलब्ध असेल.

स्टायलिश स्कूटर बर्गमन स्ट्रीटची किंमत ८ हजार ३७३ ने कमी करण्यात आली. ही स्कूटर आता ९२ हजार २२७ हजारांत उपलब्ध असेल.

बर्गमन स्ट्रीट एक्स स्कूटर आणखी स्वस्त झाली आहे. या स्कूटरची किंमत १ लाख १७ हजार ७०० रुपये आहे. या मॉडेलची किंमत ९ हजार ७९८ ने कमी करण्यात आली.

बेस जिक्सर मॉडेलची किंमत ११ हजार ५२० रुपयांनी कमी झाली. ही बाईक आता १ लाख २६ हजार ८८१ मध्ये उपलब्ध आहे. या बाईकची किंमत १ लाख ३८ हजार ४०१ रुपये होती.

सुझुकी जिक्सर एस एफची किंमत १२ हजार ३११ ने कमी करण्यात आली. ही बाईक १ लाख ३५ हजार ९०१ हजारात खरेदी करता येईल.

जिक्सर २५० आता १ लाख ८१ हजार ९७६ मध्ये उपलब्ध असेल. या बाईकची किंमत १६ हजार ५२५ रुपयांनी किमी करण्यात आली.

सुझुकी व्ही स्ट्रोम एसएक्सची किंमत १७ हजार ९८२ ने कमी करण्यात आली. ही बाईक आता १ लाख ९८ हजार १८ रुपयांत उपलब्ध असेल.