सेकंड हँड कार खरेदी करण्यापूर्वी 'या' गोष्टी जाणून घ्या, अन्यथा होईल मोठे नुकसान...

Second Hand Car Buying Tips: नवीन कारसाठी बजेट नसल्यामुळे अनेकजण सेकंड हँड कार खरेदी करतात. अशावेळी काही गोष्टी जाणून घेणे महत्वाचे आहे.

Second Hand Car Buying Tips: नवीन गाड्यांच्या किमती दिवसेंदिवस वाढत आहेत, त्यामुळे भारतात सेकंड-हँड कार्सची मागणी झपाट्याने वाढत आहे. आता बरेच लोक नवीन कारऐवजी सेकंड हँड कार खरेदी करणे हा एक स्मार्ट आणि बजेट-फ्रेंडली पर्याय मानतात.

तथापि, सेकंड-हँड कार खरेदी करणे वाटते तितके सोपे नाही. जर तुम्ही काळजी घेतली नाही, तर तुमची फसवणूक होऊ शकते. चला जाणून घेऊया सेकंड-हँड कार खरेदी करण्यापूर्वी लक्षात ठेवल्या पाहिजेत अशा ५ महत्त्वाच्या टिप्स:

१. वाहन कसे तपासायचे? सेकंड-हँड कार खरेदी करण्यापूर्वी, त्याची तांत्रिक स्थिती पूर्णपणे तपासली पाहिजे. फक्त चांगली दिसणारी कार घेऊन उपयोग नाही. तुम्ही इंजिन योग्यरित्या काम करत आहे की नाही, कोणताही आवाज येतोय का? या गोष्टींकडे लक्ष दिले पाहिजे.

टायर्सची स्थिती कशी आहे? ब्रेक चांगले आहे की नाही? गाडीच्या बॉडीवर काही ओरखडे, डेंट्स किंवा पेंटचे चिन्ह आहेत का? इंजिन ऑइल किंवा कूलंट कुठूनही गळत आहे का? या गोष्टी तपासल्या पाहिजेत.

जर तुम्हाला वाहनांचे ज्ञान नसेल, तर विश्वासू मेकॅनिकला सोबत घ्या. तसेच, एक टेस्ट ड्राइव्ह घ्या, ज्यामुळे तुम्हाला गाडीचा खरा परफॉर्मन्स आणि आतील समस्या समजण्यास मदत होईल.

२. वाहनाची कागदपत्रे काळजीपूर्वक तपासा- गाडी खरेदी करण्यापूर्वी तिची सर्व कागदपत्रे काळजीपूर्वक तपासणे खूप महत्वाचे आहे. नोंदणी प्रमाणपत्र (आरसी) तपासा - नाव आणि पत्ता बरोबर आहे की नाही. तसेच गाडीवर कोणतेही कर्ज प्रलंबित आहे का ते देखील तपासा. विमा सक्रिय आहे की नाही, याची माहिती घ्या.

प्रदूषण प्रमाणपत्र (पीयूसी) वैध आहे की नाही. वाहनाची वेळेवर सर्व्हिसिंग झाली आहे की नाही. व्हीआयएन क्रमांक आणि इंजिन क्रमांक ऑनलाइन पडताळणी करून गाडीची खरी माहिती मिळवा.

३. गाडीची योग्य किंमत कशी शोधायची? गाडीची किंमत ठरवताना या गोष्टी लक्षात ठेवा. गाडी किती जुनी आहे? आतापर्यंत ती किती किलोमीटर चालली आहे? गाडीचे मॉडेल, प्रकार आणि स्थिती काय आहे? त्यात काही बदल केले आहेत का? त्या गाडीचा अपघात झाला आहे का किंवा इतर काही नुकसान झाले आहे का ? हे तपासा.

त्या मॉडेलची किंमत तुम्ही Cars24, OLX Autos, CarDekho सारख्या वेबसाइटवर तपासू शकता. जर एखादा डीलर खूप स्वस्त किंमत देत असेल तर सावधगिरी बाळगा. त्यात काही लपलेले दोष असू शकतात.

४. फक्त विश्वासार्ह ठिकाणाहूनच गाडी खरेदी करा- सेकंड हँड गाडी खरेदी करताना, फक्त विश्वासार्ह आणि नोंदणीकृत प्लॅटफॉर्म किंवा व्यक्तीशीच व्यवहार करा. महिंद्रा फर्स्ट चॉइस, स्पिनी, कार्स२४ सारख्या कंपन्यांकडून खरेदी करा. जर तुमच्या ओळखीचा कोणी योग्य माहिती देत ​​असेल, तर तो देखील योग्य पर्याय असू शकतो. कधीही अनोळखी व्यक्तीशी घाईघाईने किंवा फक्त रोख रकमेत व्यवहार करू नका.