लसीकरण केंद्र नागरिकांच्या गर्दीने गजबजले

मागील सहा ते सात दिवसांपासून लसीकरणाला वेगवेगळ्या कारणांनी ब्रेक लागला होता. २ दिवस केवळ कोव्हॅक्सिनचे डोस उपलब्ध होते. यानंतर शनिवारी पहिल्यांदाच कोविशिल्ड आणि कोव्हॅक्सिनचे डोस मिळाले. हे दोन्ही डोस जवळपास २०० उपलब्ध होते. यामध्ये १०० ऑनलाइन नोंदणी तर १०० स्पाॅट नोंदणीसाठी उपलब्ध होते. शनिवारी लस घेण्यासाठी जायकवाडी, बाल विद्यामंदिर, खानापूर, इनायतनगर, वर्मानगर, शंकरनगर यासह अन्य ठिकाणी १० ते १५ जण एका वेळी रांगेत हजर होते. यामुळे दिवसभर बहुतांश केंद्रांवर लसीचा असलेला साठा सायंकाळपर्यंत संपल्याचे दिसून आले. रविवारी असलेली शासकीय सुटी व त्यात लसीकरण रविवारी न झाल्यास एक दिवस आरामाला मिळेल, या हेतूने सर्वच वयोगटातील नागरिकांनी लसीकरण करण्यास प्राधान्य दिले. यामध्ये १८ ते ४४ व ४५ वर्षाच्या पुढील नागरिक, महिला, तरुणांनी लसीकरण करून घेतले.