किंग्ज इलेव्हन पंजाब हा संघ विकत घेत नेस वाडिया व प्रीती झिंटा यांनी क्रिकेट क्षेत्रात पाऊल टाकले. मात्र आयपीएलमध्येच या दोघांच्या नातेसंबंध ताणले गेले व हा वाद थेट पोलिस ठाण्यात पोहोचला. आयपीएलच्या सामन्या दरम्यान नेस वाडियांनी असभ्य वर्तन केल्याचा आरोप प्रीती झिंटाने केला व आयपीएलमध्ये नवा वाद निर्माण झाला.
गेल्या वर्षी ३० मेरोजी मुंबईतील वानखेडे स्टेडियमवर किंग्स इलेव्हन पंजाब विरुद्ध चेन्नई सुपर किंग्ज हा सामना सुरु होता. या सामन्या दरम्यान प्रीती झिंटा व नेस वाडिया यांच्यात शाद्बिक बाचाबाची झाली व यानंतर नेस वाडियांनी विनयभंग केला अशी तक्रार प्रीतीने मरीन ड्राईव्ह पोलिस ठाण्यात केली. नेस वाडियांनी सर्वांसमक्ष मला शिवीगाळ करत माझा हातही खेचला असे प्रीतीने म्हटले होते. प्रीती व नेस वाडिया या दोघांमध्ये प्रेमसंबंध होते. मात्र काही वर्षांनी त्यांचे संबंध तुटले. हे प्रकरणही न्यायप्रवीष्ट असून प्रीती व नेस वाडिया यांच्यातील वादाने आयपीएल मात्र चर्चेतच राहिले.