जवाहरलाल दर्डा स्मृती फुटबॉल

जवाहरलाल दर्डा स्मृती शालेय फुटबॉल स्पर्धा

ज�

��ाहरलाल दर्डा स्मृती शालेय फुटबॉल स्पर्धा
रब्बानी, एसएफएस उपांत्य फेरीत
नागपूर : एम.एम. रब्बानी हायस्कूल आणि एसएफएस हायस्कूल संघांनी शुक्रवारी जवाहरलाल दर्डा स्मृती आंतरशालेय फुटबॉल स्पर्धेच्या उपांत्य फेरीत धडक दिली. नागपूर जिल्हा फुटबॉल संघटनेद्वारा मध्य रेल्वेच्या अजनीस्थित मैदानावर आयोजित ही स्पर्धा लोकमत मीडिया प्रा. लिमिटेडने पुरस्कृत केली आहे.
रब्बानी संघाने के. जॉन पब्लिक स्कूलचा २-० ने पराभव केला. दोन्ही गोल सामन्याच्या उत्तरार्धात नोंदले गेले. १७ व्या मिनिटाला अदनान नियाझी याने आघाडी मिळवून दिली तर दुसरा गोल २५ व्या मिनिटाला मुसद्दिक उमर याने केला. उत्तरार्धात के. जॉनच्या खेळाडूंनी गोल नोंदविण्याचे वारंवार प्रयत्न करुनही रब्बानीची बचाव फळी भेदणे त्यांना शक्य होऊ शकले नाही.
दुसऱ्या उपांत्य सामन्यात एसएफएस संघाने मौन्टफोर्ट स्कूलचा ४-१ ने पराभव केला. या सामन्यात १३ व्या मिनिटाला शुभम यादवने गोल नोंदवित मौन्टफोर्टला आघाडी मियवून दिली. पण यानंतर संयमी खेळ करणाऱ्या एसएफएसच्या खेळाडूंनी १९ व्या मिनिटाला बरोबरी साधली. यश यादवने हा गोल केला. ३७ व्या मिनिटाला अनुराग लोखंडे याने एसएफएसला आघाडी मिळवून दिली. ६९ व्या मिनिटाला ग्लाडविन सायमन याने गोल नोंदवित आघाडी ३-१ अशी केली. अनुराग लोखंडे याने ७३ व्या मिनिटाला पुन्हा एकदा गोल करीत संघाचा विजय निश्चित केला. सामन्यादरम्यान रेफ्रीने यश यादवला चुकीच्या पद्धतीने खेळ केल्याबद्दल एका सामन्यासाठी निलंबित केले आहे. उपांत्य फेरीत तो खेळू शकणार नाही.
उद्या शनिवारी अंजूमन हायस्कूलविरुद्ध सेंट जॉन्स स्कूल हा पहिला उपांत्य सामना सकाळी ८ पासून व एसएफएविरुद्ध रब्बानी हा दुसरा उपांत्य सामना ९.३० पासून खेळविला जाईल.(क्रीडा प्रतिनिधी)