Footballer Died Due To Lightning: क्रीडा विश्वातून एक दु:खद घटना समोर आली आहे. या घटनेने चाहत्यांना आणि क्रीडाप्रेमींना मोठा धक्का बसलाय. एका फुटबॉल सामन्यादरम्यान मैदानावर अचानक वीज कोसळली. या वीजेमुळे एका खेळाडूचा जागीच मृत्यू झाला, तर रेफ्रीसह अनेक खेळाडू गंभीर जखमी झाले आहेत.
ही दुःखद घटना 3 नोव्हेंबर रोजी पेरू देशात घडली आहे. पेरुच्या चिलाका येथे जुव्हेंटुड बेलाविस्ता आणि फॅमिलिया चोका, या दोन देशांतर्गत क्लबमध्ये सामना सुरू होता. यावेळी ही दुर्दैवी घटना घडली. या घटनेतील गंभीर जखमी खेळाडू आणि रेफ्री यांना तातडीने रुग्णालयात दाखल करण्यात आले असून, त्यांच्यावर उपचार सुरू आहेत.
39 वर्षीय जोस होगो ठारसामना सुरू असताना ही घटना घढली. तोपर्यंत जुव्हेंटुड बेलाविस्ताने सामन्यात 2-0 अशी आघाडी घेतली होती. यादरम्यान हवामान अधिकच बिघडले, ज्यामुळे रेफ्रींनी शिट्टी वाजवून खेळ थांबवला. तसेच खेळाडूंना मैदान सोडण्यास सांगितले. यावेळी, अचानक विजेचा कडकडाट झाला अन् ही वीज 39 वर्षीय जोस ह्यूगो डे ला क्रूझ मेसा याच्यावर पडली. या घटनेत तो जागीच मरण पावला, तर रेफ्रीसह 5 खेळाडू जमिनीवर कोसळून गंभीर जखमी झाले.