भारताला मोठा धक्का; दुखापतीमुळे सुवर्णकन्या विनेश फोगट जागतिक स्पर्धेला मुकणार

आशियाई क्रीडा स्पर्धेत विनेशने सुवर्णपदकाला गवसणी घातली होती.

मुंबई : जागतिक कुस्ती स्पर्धेत भारताच्या हक्काचे एक पदक हुकले आहे. कारण भारताची महिला कुस्तीपटूविनेश फोगटला दुखापत झाली असून आता तिला या स्पर्धेत सहभागी होता येणार नाही. त्यामुळे भारतासाठी हा मोठा धक्का असल्याचे समजले जात आहे. कारण आशियाई क्रीडा स्पर्धेत विनेशने सुवर्णपदकाला गवसणी घातली होती.

Hi everyone,
I’m sad to inform you all that I wouldn’t be participating in the upcoming World Championships in Hungary. Unfortunately 2 days ago, I injured my elbow during training. The doctor has advised me to rest it out for 4-6 weeks... (1/2)

— Vinesh Phogat (@Phogat_Vinesh) September 23, 2018

" विनेश ही लखनौ येथे कुस्तीचा सराव करत होती. यावेळी तिच्या कोपऱ्याला दुखापत झाली होती. या दुखापतीवर वैद्यकीय चाचण्या करण्यात आल्या. वैद्यकीय चाचणीचा अहवाल आमच्या हाती आला असून त्यानुसार विनेशला जागतिक स्पर्धेत सहभागी होता येणार नाही. हा भारतासाठी फार मोठा धक्का आहे, 
" असे भारतीय कुस्ती महासंघाने म्हटले आहे.

I would be taking this time off to comeback sooner and stronger than before... Thank you for your constant love and support! 🙏🏽🙏🏽 (2/2)

— Vinesh Phogat (@Phogat_Vinesh) September 23, 2018

या दुखापतीबद्दल विनेश म्हणाली की, " हंगेरी येथे होणाऱ्या जागतिक स्पर्धेपूर्वी मला दुखापत होणं, हे दुर्देवी आहे. कारण मी चांगल्या फॉर्मात होती आणि या स्पर्धेत पदक मिळवण्यासाठी  मी सज्ज होते. पण आता दुखापतीमुळे मला या स्पर्धेत खेळता येणार नाही. "