Navi Mumbai: नवी मुंबईकरांनो लक्ष द्या! खारघर आणि तळोजा परिसरात आज १२ तास पाणीपुरवठा बंद!

Navi Mumbai Water Cut News: खारघर आणि तळोजा परिसरातील रहिवाशांसाठी महत्त्वाची सूचना आहे.

CIDCO Water Cut: खारघर आणि तळोजा परिसरातील रहिवाशांसाठी महत्त्वाची सूचना आहे. शहर व औद्योगिक विकास महामंडळाने आज (शुक्रवार, २० फेब्रुवारी २०२६) या भागात तब्बल १२ तास पाणीपुरवठा बंद ठेवण्याची घोषणा केली आहे. बेलापूर येथील मुख्य हेटवणे जलवाहिनीच्या तातडीच्या दुरुस्तीसाठी हा निर्णय घेण्यात आला आहे.

'लोकमत महाराष्ट्रीयन ऑफ द इयर' कोण?... क्लिक करून आपलं मत नोंदवा!

सिडकोने दिलेल्या अधिकृत माहितीनुसार, दुरुस्तीचे काम आज सकाळी ९ वाजता सुरू करण्यात आले असून रात्री ९ वाजेपर्यंत सुरू राहील. म्हणजेज सकाळी ९.०० ते रात्री १०.०० वाजेपर्यंत बंद ठेवण्यात येणार आहे. बेलापूर येथील मुख्य हेटवणे जलवाहिनी दुरुस्ती करणे अत्यंत आवश्यक आहे. भविष्यात होणारा मोठा पाणीपुरवठा खंडित होण्याचा धोका टाळण्यासाठी आणि यंत्रणा सुरळीत ठेवण्यासाठी हा नियोजित शटडाऊन घेण्यात येत असल्याचे सिडको प्रशासनाने स्पष्ट केले आहे.

🚰 पाणीपुरवठा बंदची महत्त्वाची सूचना 🚰

बेलापूर येथे मुख्य हेटवणे पाईपलाईनवर आपत्कालीन दुरुस्तीचे काम हाती घेण्यात येत असल्यामुळे खालीलप्रमाणे शटडाऊन प्रस्तावित आहे:

🗓️ शुक्रवार, २०.०२.२०२६
⏰ सकाळी ९:०० ते रात्री ९:०० (१२ तास)

🚫 पाणीपुरवठा बंद
📍 खारघर व तळोजा नोड pic.twitter.com/IfU5EBp6gp

— CIDCO Ltd (@CIDCO_Ltd) February 19, 2026

दरम्यान, शुक्रवारी रात्री ९ नंतर पाणीपुरवठा टप्प्याटप्प्याने पुन्हा सुरू केला जाईल. मात्र, कामाच्या स्वरूपामुळे सुरुवातीच्या काळात पाण्याचा दाब कमी राहण्याची शक्यता आहे. त्यामुळे नागरिकांनी गुरुवारीच पुरेसा पाणीसाठा करून ठेवावा आणि शुक्रवारी पाण्याचा वापर जपून करावा, असे आवाहन सिडकोच्या पाणीपुरवठा विभागाने केले आहे.