वडखळ: मुंबई-गोवा महामार्गाचे संथगतीने सुरू असलेले काम आणि त्यातच महामार्गावर पडलेले खड्डे व निर्माण झालेल्या धुळीच्या साम्राज्याने प्रवाशांचा प्रवास खडतर झाला आहे. यामुळे महामार्गावर रामवाडी पुलावर अपघात झाला, यात महिलेचा नाहक बळी गेला आहे.
मुंबई-गोवा महामार्गावरील पेण तालुक्यातील रामवाडी पुलावर वडखळकडून पेणकडे येत असणाऱ्या एम एच ०६ बी एन ७६०८ या दुचाकीवरील पेण-कोळवे येथील तृप्ती जगदीश कोळी ही महिला गाडी खड्ड्यामध्ये आदळून पडली. या वेळी मागून येणारा एन एल ०१ ए सी ९८९७ नंबरचा ट्रक अंगावरून गेल्याने महिलेचा जागीच मृत्यू झाला आहे. मुंबई-गोवा महामार्गावरील अपघातांची मालिका सुरूच असून या अपघातामुळे आणखी एका अपघाताची नोंद या घटनेमुळे झाली आहे.