Yamuna Expressway Accident: ७ बस, ३ कारचा थरकाप उडवणारा अपघात! चार प्रवाशांचा जळून मृत्यू

Yamuna Expressway fog accident: दाट धुक्यामुळे दृश्यमानता कमी झाल्याने यमुना एक्स्प्रेसवेवर भीषण अनेक वाहने एकमेकांना धडकली. हा अपघात इतका भीषण होता की, त्यानंतर काही वाहनांनी पेट घेतला.  

Yamuna Expressway News: दाट धुक्यांमुळे मुथरेत यमुना एक्स्प्रेसवेवर थरकाप उडवणारी घटना घडली. सात बस आणि ३ कार अशी दहा वाहने एकमेकांना धडकली. अपघातानंतर वाहनांनी पेट घेतला. आगीमध्ये काही वाहनांचा सांगाडाच शिल्लक राहिला. या घटनेत चार प्रवाशांचा जळून मृत्यू झाला. 

मंगळवारी भल्या पहाटे प्रवाशी साखरझोपेत असतानाच ही घटना घडली. यात जखमींचा आकडाही मोठा असून, दाट धुक्यामुळे दृश्यमानता कमी झाल्याने हा विचित्र अपघात घडल्याची माहिती पोलीस अधिकाऱ्यांनी दिली. घटनेची माहिती मिळताच महामार्ग पोलीस, अग्निशामक दल, बचाव पथके अपघातस्थळी दाखल झाले होते. 

अपघातानंतर बसेसना लागली आग

मुथराचे पोलीस अधीक्षक श्लोक कुमार यांनी सांगितले की, दाट धुक्यामुळे भल्या पहाटे सात बसेस आणि अनेक कार एकमेकांना धडकल्या. अपघातानंतर चारपेक्षा जास्त बसेसनी पेट घेतला. यात अनेक प्रवाशी होरपळून जखमी झाले आहेत. 

Multiple buses ablaze on the Delhi-Agra Expressway. Casualties reported. pic.twitter.com/yMB2JDMYSB

— Rahul Shivshankar (@RShivshankar) December 16, 2025

अपघातानंतरचे व्हिडीओ थरकाप उडवणारे

यमुना एक्स्प्रेसवेवर झालेल्या अनेक वाहनांच्या अपघाताचे व्हिडीओही सोसल मीडियावर व्हायरल झाले आहेत. ज्यात पेट घेतलेल्या बसेस दिसत आहेत. 

VIDEO | Mathura: Cranes are being used to remove mangled remains of buses after a multi-vehicle collision earlier today on the Delhi-Agra Yamuna Expressway. Four people were killed and 25 others injured in the incident which took place due to low visibility amid dense fog.

(Full… pic.twitter.com/HZhvkzrMDF

— Press Trust of India (@PTI_News) December 16, 2025

एका जखमी व्यक्तीने सांगितले की, अपघात झाल्यानंतर बसला आग लागली. जेव्हा अपघात झाला, तेव्हा सगळे प्रवाशी झोपेत होते. सकाळी चार वाजेच्या सुमारास हा अपघात घडला. 

VIDEO | Uttar Pradesh: Several people feared dead and dozens injured in multi-vehicle collision on Yamuna Expressway near Mathura. According to reports, a few buses caught fire after the accident. More details are awaited. #Mathura#Fog#YamunaExpressway

(Full video available… pic.twitter.com/ZA3g8x6Fh5

— Press Trust of India (@PTI_News) December 16, 2025

पोलीस अधीक्षकांनी सांगितले की, या अपघातात २५ पेक्षा जास्त लोक जखमी झाले आहेत. जखमींना तातडीने रुग्णालयात नेण्यात आले. त्यांच्यावर उपचार सुरू करण्यात आले असून, बहुतांश जखमींची प्रकृती स्थिर आहे.

चार जणांचा जळून मृत्यू झाला असून, त्यापैकी दोघांची ओळख पटली आहे. ज्यांचा मृत्यू झाला आहे, ते मऊ, आझमगढ या जिल्ह्यातून असून, दिल्लीकडे जात होते.