आसाममध्ये महिलांना दरमहा रोख रक्कम देणार

जुबीन मृत्यूप्रकरणात १०० दिवसांत न्याय मिळवून देण्याचेही वचनही दिले.

नाओवोइचा (आसाम): काँग्रेसचे अध्यक्ष मल्लिकार्जुन खरगे यांनी रविवारी आसाममधील आगामी निवडणुकांच्या पार्श्वभूमीवर पक्षाच्या पाच हमी जाहीर केल्या. यामध्ये महिलांचे कल्याण, सर्वांसाठी आरोग्यसेवा, जमिनीचे हक्क व जुबीन गर्ग मृत्यू प्रकरणात न्याय मिळवून देण्यावर विशेष भर देण्यात आला आहे.

लखीमपूर जिल्ह्यातील नाओबोड़चा येथे एका सभेत त्यांनी पक्षाच्या 'पाच हमी'ची यादी सादर केली. काँग्रेसने सर्व कुटुंबांसाठी २५ लाख रुपयांचे 'कॅशलेस' आरोग्य विमा संरक्षण, १० लाख मूळ रहिवाशांना जमिनीचे कायमस्वरूपी पट्टे आणि राज्यातील ज्येष्ठ नागरिकांना दरमहा १,२५० रुपये देण्याचे आश्वासन दिले. जुबीन मृत्यूप्रकरणात १०० दिवसांत न्याय मिळवून देण्याचेही वचनही दिले.