नवी दिल्ली - देशामध्ये कोरोनाचा कहर पाहायला मिळत आहे. कोरोनाग्रस्तांची संख्या ही दिवसागणिक वाढत आहे. वेगाने पसरणाऱ्या कोरोनामुळे लोकांमध्ये भीतीचे वातावरण निर्माण झाले आहे. अनेकांनी कोरोनाचा धसका घेतला असून आपल्या नातेवाईकांचे मृतदेह स्वीकारण्यास नकार दिला आहे. अशीच एक धक्कादायक घटना समोर आली आहे. पतीचा मृतदेह हातगाडीवरुन नेऊन पत्नी आणि मुलाने अंत्यसंस्कार केल्याची धक्कादायक घटना समोर आली आहे.
अथनी या गावात एका व्यक्तीचा मृत्यू झाला. मात्र गावकरी आणि नातेवाईकांनी कोरोनाच्या भीतीने अंत्यसंस्कार करण्यास नकार दिला. पतीच्या मृतदेहाला हात लावण्यासाठी कोणीही पुढे आलं नाही त्यामुळे पत्नीने आपल्या मुलांसोबत हातगाडीवरून पतीचा मृतदेह अंत्यसंस्कारासाठी स्मशानभूमीत नेल्याची मन सुन्न करणारी घटना घडली. या घटनेचा एक व्हिडीओही सोशल मीडियावर व्हायरल झाला आहे. मिळालेल्या माहितीनुसार, सदाशिव हिरट्टी (55) याचा मृत्यू झाला होता.
सदाशिव यांच्या मृत्यूची माहिती शेजारी, नातेवाईकांना समजली. मात्र कोरोनाच्या संशयामुळे कोणीही मदतीसाठी पुढे आले नाही. मृतदेहावर अंत्यसंस्कार करण्यास लोकांनी नकार दिला. शेवटी सदाशिव यांच्या पत्नीने मुलासोबत अंत्यसंस्कार करण्याचा निर्णय घेतला. पतीचा मृतदेह कापडात गुंडाळला आणि हातगाडीवरून स्मशानभूमीत नेला आणि अंत्यसंस्कार केले. हातगाडीवरून मृतदेह नेताना अनेकांनी पाहिलं पण कोणीच मदतीसाठी पुढे आलं नाही. एका इंग्रजी वेबसाईटने याबाबतचे वृत्त दिले आहे.
महत्त्वाच्या बातम्या
बापरे! माकडांमुळे 5 जणांचा मृत्यू, जाणून घ्या नेमकं काय घडलं?
CoronaVirus News : कोरोनाचा विस्फोट! 100 तासांत तब्बल 10 लाख नवे रुग्ण, धडकी भरवणारी आकडेवारी
अरे व्वा! 'या' मेड इन इंडिया अॅपने सुरू केला जबरदस्त शो; युजर्सना तब्बल 1 कोटी जिंकण्याची संधी
...अन् भाजपाच्या नगरसेविकेने भर सभेत आयुक्तांना फेकून मारली चप्पल, Video व्हायरल
CoronaVirus News : कोरोनाला रोखण्यात यश! हॉटस्पॉट ठरलेल्या 'या' राज्याने लगावला आनंदाचा 'सिक्सर'
CoronaVirus News : काय सांगता? मास्क लावायला विसरल्या मंत्री, भीतीने केलं असं काही...; Video व्हायरल