संपूर्ण देशाचं लक्ष लागलेल्या पश्चिम बंगालमधील विधानसभा निवडणुकीमध्ये काँग्रेस पक्ष स्वबळावर लढणार हे आता स्पष्ट झाले आहे. काँग्रेसने बंगालमधील विधानसभेच्या २९४ पैकी २८४ जागांवरील उमेदवारांची घोषणा केली आहे. तसेच काँग्रेस पक्ष बंगालमध्ये एकाचवेळी भाजपा आणि ममता बॅनर्जी यांना आव्हान देणार आहे. आज जाहीर केलेल्या उमेदवार यादीमधून काँग्रेसने आपल्या मुर्शिदाबाद आणि मालदा या पारंपरिक बालेकिल्ल्यांवर विशेष लक्ष केंद्रित केलं आहे.
पश्चिम बंगाल विधानसभा निवडणुकीसाठी काँग्रेसने पक्षाचे ज्येष्ठ नेते आणि माजी प्रदेशाध्यक्ष अधीररंजन चौधरी यांना त्यांच्या पारंपरिक बहरामपूर मतदारसंघामधून उमेदवारी दिली आहे. तर हल्लीच तृणमूल काँग्रेसमधून काँग्रेसमध्ये आलेल्या मौसम नूर यांना मालतीपूर मतदारसंघातून उमेदवारी देण्यात आली आहे. काँग्रेसने भवानीपूर विधानसभा मतदारसंघामधून मुख्यमंत्री ममता बॅनर्जींविरोधात प्रदीप प्रसाद यांना उमेदवारी दिली आहे. येथे भाजपाने शुभेंदू अधिकारी यांना रिंगणात उतरवले आहे. त्याशिवाय काँग्रेसने हेमताबाद येथून अनामिका राय यांना, तर जंगीपूर येथून मोहम्मद इमरान अली यांना उमेदवारी दिली आहे. तर तुफानगंज येथून देबेंद्रनाथ यांना आणि दिनहाटा येथून हरिहर राय यांना उमेदवारी दिली आहे.
काँग्रेसने पश्चिम बंगालमधील उमेदवारांची निवड करताना मालदा आणि मुर्शिदाबाद या पक्षाचा पारंपरिक प्रबाव असलेल्या भागात पक्षाची पकड भक्कम करण्याच्या रणनीतीवर भर दिला आहे.
Web Summary : Congress will fight solo in West Bengal, challenging BJP and Mamata. The party has announced 284 candidates, focusing on its strongholds like Murshidabad and Malda. Adhir Ranjan Chowdhury will contest from Baharampur, and Mausam Noor from Maltipur. Pradip Prasad will face Mamata Banerjee in Bhabanipur.
Web Summary : कांग्रेस पश्चिम बंगाल में अकेले लड़ेगी, भाजपा और ममता को चुनौती देगी। पार्टी ने 284 उम्मीदवारों की घोषणा की, मुर्शिदाबाद और मालदा जैसे अपने गढ़ों पर ध्यान केंद्रित किया। अधीर रंजन चौधरी बहरामपुर से और मौसम नूर मालतीपुर से चुनाव लड़ेंगे। प्रदीप प्रसाद भवानीपुर में ममता बनर्जी का सामना करेंगे।